Skatturinn - skattar og gjöld - Fréttir og tilkynningar

Búið er að lagfæra villu við bráðbirgðagreiðslu kílómetragjalds

Fri, 3 Jul 2026 14:06:00 +0000

Kerfisvilla sem kom upp við bráðabirgðagreiðslu kílómetragjalds fyrir júní 2026 vegna ökutækja sem seld voru fyrr á árinu hefur verið leiðrétt. Skatturinn hefur bakfært þessa álagningu og kröfur verið uppfærðar.

Samráðsskjal um afmarkaðar breytingar á tilteknum kröfum um upplýsingagjöf skv. flokkunarreglugerð ESB

Thu, 2 Jul 2026 13:17:00 +0000

Öllum hagsmunaaðilum er boðið að senda inn svör við samráðsskjali frá Verðbréfaeftirliti Evrópu (ESMA) um afmarkaðar breytingar á tilteknum kröfum um upplýsingagjöf skv. flokkunarreglugerð ESB (EU Taxonomy).

Ráðstöfun séreignarsparnaðar inn á húsnæðislán

Wed, 1 Jul 2026 11:40:00 +0000

Lög um ráðstöfun séreignarsparnaðar inn á höfuðstól húsnæðislána voru samþykkt á Alþingi nýlega. Lögin kveða á um að áfram verði heimilt að nýta séreignarsparnað til að borga inn á húsnæðislán.

Villa við bráðabirgðagreiðslu kílómetragjalds

Mon, 29 Jun 2026 13:47:00 +0000

Ákveðinn hópur ökutækjaeigenda fékk bráðabirgðagreiðslu kílómetragjalds fyrir júní 2026 vegna ökutækis sem þeir seldu fyrr á árinu. Um er að ræða kerfisvillu sem verður leiðrétt.

Ársskýrsla Skattsins fyrir árið 2025 er komin út

Mon, 29 Jun 2026 11:18:00 +0000

Í skýrslunni er að finna yfirlit yfir starfsemi stofnunarinnar á árinu og margvíslegar upplýsingar um þjónustu hennar og verkefni ásamt lykiltölum og tölfræði.

Skattskrár og virðisaukaskattsskrá vegna tekjuársins 2024

Thu, 11 Jun 2026 09:56:00 +0000

Skattskrár yfir álagða skatta á tekjur einstaklinga og lögaðila á árinu 2025 vegna tekna ársins 2024 ásamt virðisaukaskattsskrá þess árs eru til sýnis dagana 11. til 24. júní 2026, að báðum dögum meðtöldum.

Kynning á skýrslu verðbréfaeftirlits Evrópu um niðurstöður eftirlitsaðila

Wed, 10 Jun 2026 09:54:00 +0000

Ársreikningaskrá Skattsins boðar til kynningarfundar fimmtudaginn 18. júní kl. 9:15 um niðurstöður eftirlitsaðila á evrópska efnahagssvæðinu með reikningsskilum útgefenda.

Auglýsing ríkisskattstjóra um álagningu opinberra gjalda á einstaklinga árið 2026

Fri, 29 May 2026 11:33:00 +0000

Álagningu opinberra gjalda á árinu 2026 er lokið á þá einstaklinga, sem skattskyldir eru samkvæmt I. kafla laga nr. 90/2003, um tekjuskatt.

Tölulegar upplýsingar um álagningu einstaklinga 2026

Fri, 29 May 2026 11:33:00 +0000

Ríkisskattstjóri hefur lokið álagningu opinberra gjalda á einstaklinga 2026, á tekjur ársins 2025. Tekjuskattur og útsvar hafa að mestu þegar verið innheimt í staðgreiðslu en í álagningunni fer fram endanlegt uppgjör þessara skatta.

Breytingar gerðar á álagningu hjá afmörkuðum hópi með greiðslur frá TR

Thu, 21 May 2026 13:48:00 +0000

Við yfirferð framtala kom í ljós villa í gögnum frá Tryggingastofnun hjá afmörkuðum hópi einstaklinga. Vegna þessa reynist nauðsynlegt að gera breytingar á álagningu 1.031 einstaklings, eins og hún birtist á álagningarseðli viðkomandi.

Vörum okkur á netsvikum

Wed, 20 May 2026 13:20:00 +0000

Þrjótar nýta annatíma þegar mikið er að gera til að reyna að svíkja fé af fólki. Það er mikilvægt að vera á varðbergi, vera gagnrýnin og læra að þekkja einkenni netsvika.

Birting álagningar einstaklinga 2026

Tue, 19 May 2026 10:58:00 +0000

Niðurstöður álagningar einstaklinga 2026, vegna tekna 2025, verða birtar á þjónustuvef Skattsins 21. maí. Inneignir verða greiddar út 1. júní og launagreiðendur fá upplýsingar um skuldir til að draga af launum.

Vanskráningargjald vegna kílómetragjalds

Tue, 7 Apr 2026 11:30:00 +0000

Eigendur ökutækja sem ekki höfðu skráð kílómetrastöðu 1. apríl fengu lagt á sig vanskráningargjald. Gjaldið fellur niður ef farið er með ökutækið á skoðunarstöð fyrir lok apríl.

Kílómetragjald: Síðasti frestur til að skrá kílómetrastöðu 1. apríl

Tue, 31 Mar 2026 15:40:00 +0000

Ef þú átt eftir að skrá kílómetrastöðuna á þínu ökutæki á þessu ári þá þarf að skrá stöðuna til að forðast vanskráningargjald. Þau sem hafa þegar skráð á þessu ári eða eiga skráningu á árinu 2025 þurfa ekkert að gera.

Mikið magn ólöglegra peptíða haldlögð hér á landi í alþjóðlegri aðgerð

Mon, 2 Mar 2026 08:31:00 +0000

Tollgæslan var meðal þátttakenda í alþjóðlegri aðgerð Europol sem beindist að viðskiptum og innflutningi á ólöglegum lyfjum og naut liðsinnis Lyfjastofnunar.

Skattframtal 2026 - Skilafrestur til 13. mars

Fri, 27 Feb 2026 12:53:00 +0000

Opnað hefur verið fyrir skil á skattframtali einstaklinga 2026, vegna tekna 2025, á þjónustuvef Skattsins í dag. Frestur til að skila er til 13. mars. Allar helstu upplýsingar eru foráritaðar inn á framtalið og því fljótlegt og auðvelt að yfirfara upplýsingar, bæta við ef eitthvað vantar og staðfesta að lokum.

Bréf í pósthólfi um kílómetragjald

Thu, 19 Feb 2026 11:04:00 +0000

Bréf um kílómetragjald með titilinn Listi vegna bráðabirgðagreiðslu kílómetragjalds sem birt voru á þjónustusíðu Skattsins þann 18. febrúar sl. eru yfirlit yfir kílómetragjald sem var á eindaga 16. febrúar sl.

Ef búið er að greiða reikning vegna janúar þarf ekki að aðhafast frekar.

Opnað fyrir framtalsskil einstaklinga 27. febrúar

Mon, 16 Feb 2026 09:09:00 +0000

Skattframtal einstaklinga verður aðgengilegt á þjónustuvef Skattsins frá og með 27. febrúar. Öllum sem náð hafa 16 ára aldri í lok árs 2025 ber að skila skattframtali. Lokaskiladagur er föstudagurinn 13. mars.

Kílómetragjald – fyrirkomulag og leiðréttingar

Mon, 2 Feb 2026 16:10:00 +0000

Nú hafa fjölmargir landsmenn fengið í fyrsta sinn greiðsluseðil um kílómetragjald og margir að velta fyrir sér hvernig fyrirkomulag gjaldsins sé.

Opnað fyrir skil á skattframtali lögaðila 2026

Fri, 30 Jan 2026 10:18:00 +0000

Opnað hefur verið fyrir skil á skattframtali lögaðila 2026, vegna tekna 2025, á þjónustuvef Skattsins. Almennur framtalsfrestur lögaðila er til 31. maí, en fagaðilar (endurskoðendur og bókarar) geta fengið framlengdan frest allt til 21. september.

Fyrsti gjalddagi kílómetragjalds á öll ökutæki - greiðsluseðlar birtir í heimabönkum

Fri, 30 Jan 2026 08:15:00 +0000

Greiðsluseðill vegna kílómetragjalds ökutækja mun berast eigendum og umráðamönnum í heimabanka föstudaginn 30. janúar. Reikningurinn verður jafnframt aðgengilegur í pósthólfi þeirra á Mínum síðum á Ísland.is sunnudaginn 1. febrúar.

Fyrsta greiðsla barnabóta 2026

Wed, 28 Jan 2026 10:22:00 +0000

Fyrsta greiðsla barnabóta á árinu 2026 er föstudaginn 30. janúar. Forsendur fyrir útreikningi barnabóta hvers og eins er að finna á þjónustuvef Skattsins undir flipanum samskipti.

Vernd í verki: árvekni við landamærin

Fri, 23 Jan 2026 08:31:00 +0000

Alþjóðlegi tolladagurinn, sem haldinn er 26. janúar ár hvert, gefur okkur tilefni til að beina sjónum að mikilvægu hlutverki tollyfirvalda við vernd samfélags manna um allan heim.

Endurskoðaðar upprunareglur PEM tóku gildi um áramótin

Wed, 14 Jan 2026 13:48:00 +0000

PEM-samkomulagið er svæðisbundið samkomulag um sameiginlegar reglur um uppruna vara sem gilda í fjölda fríverslunarsamninga milli ríkja í Evrópu og á Miðjarðarhafssvæðinu.

Almennri heimild til ráðstöfunar séreignarsparnaðar á íbúðarlán lýkur 31. desember 2025

Wed, 31 Dec 2025 10:34:00 +0000

Heimild til ráðstöfunar séreignarsparnaðar til greiðslu húsnæðislána og húsnæðissparnaðar samkvæmt almennu úrræði, gjarnan kennt við Leiðréttinguna, lýkur þann 31. desember 2025.

Skatthlutfall, skattþrep og persónuafsláttur ársins 2026

Mon, 22 Dec 2025 13:25:00 +0000

Fjármála- og efnahagsráðuneytið hefur gefið frá sér tilkynningu um skattbreytingar á árinu 2026. Þar kemur meðal annars fram hvert staðgreiðsluhlutfall næsta árs verður, sem og fjárhæð persónuafsláttar og hvar skattþrepamörkin munu liggja.

Skráning vegna aðgerða gegn peningaþvætti og fjármögnun hryðjuverka

Mon, 22 Dec 2025 11:34:00 +0000

Ríkisskattstjóri hefur eftirlit með rekstraraðilum í tilteknum atvinnugreinum vegna aðgerða sem þeir eiga að viðhafa gegn peningaþvætti og fjármögnun hryðjuverka.

Lög um kílómetragjald á öll ökutæki samþykkt á Alþingi

Fri, 19 Dec 2025 08:15:00 +0000

Lög um kílómetragjald á ökutæki voru samþykkt á Alþingi í gær. Þar er kveðið á um að eigendur allra ökutækja skuli skrá kílómetrastöðu og greiða kílómetragjald fyrir hvern ekinn kílómetra.

Breyting á bankadögum – 30. desember síðasti bankadagur ársins

Tue, 9 Dec 2025 12:57:00 +0000

Vakin er athygli á breytingum sem Seðlabanki Íslands tilkynti fyrr á árinu er varða reglur um millibankagreiðslukerfi. Gamlársdagur telst ekki lengur sem viðskiptadagur.

Kynning á áhersluatriðum ársreikningaskrár og Verðbréfaeftirlits Evrópu

Mon, 1 Dec 2025 15:48:00 +0000

Kynning á áhersluatriðum ársreikningaskrár og Verðbréfaeftirlits Evrópu verður þann 16. desember næstkomandi í húsnæði Skattsins að Katrínartúni 6 kl. 09:15 til 10:00. Kynningin verður einnig aðgengileg í streymi.