Allir sem greiða laun eða reikna sér endurgjald fyrir eigin vinnu í rekstri þurfa að halda eftir staðgreiðslu. Staðgreiðslan er fyrirframgreiðsla á tekjuskatti og útsvari og dregst af launum eða reiknuðu endurgjaldi. Tekjuskatturinn fer til ríkisins og útsvarið til sveitarfélagsins.
Þau sem starfa við eigin atvinnurekstur eiga að reikna sér endurgjald (laun) vegna þeirrar vinnu og skila af því staðgreiðslu opinberra gjalda, greiða tryggingagjald og iðgjald í lífeyrissjóð. Við ákvörðun á fjárhæð reiknaðs endurgjalds skal hafa árlegar reglur ríkisskattstjóri um reiknað endurgjald til viðmiðunar.
Lesa meiraÖllum launagreiðendum er skylt að halda eftir staðgreiðslu opinberra gjalda af launagreiðslum eins og þær eru skilgreindar í lögum um staðgreiðslu opinberra gjalda og skila í ríkissjóð. Á sama hátt skal reikna og skila staðgreiðslu af reiknuðu endurgjaldi þeirra sem vinna við eigin atvinnurekstur.
Lesa meiraÖll sem náð hafa 16 ára aldri á tekjuárinu og eru heimilisföst á Íslandi eiga rétt á persónuafslætti. Hjá þeim sem ná 16 ára aldri á tekjuárinu reiknast fullur persónuafsláttur fyrir allt árið.
Lesa meira
