Fíkniefnayfirlit
Fíkniefnaeftirliti er sinnt af tollgæslu með áhættustjórnun og með almennu eftirliti (tilviljanaúrtökum) s.s. skoðun á förum (flugvélum og skipum), farþegum, farangri, ökutækjum og vörusendingum.
Til að sinna eftirlitinu hefur tollgæslan yfir ýmiss konar búnaði að ráða. Má þar helst nefna :
- Röntgenbúnað s.s. stórvirkan gámaskanna, röntgenbifreið, ýmis röntgentæki.
- Ýmis búnaður til greiningar á fíkniefnum.
- Fíkniefnahundar sérþjálfaðir til að finna allar helstu tegundir fíkniefna.
Tollgæslan er í miklu samstarf við lögreglu og aðra aðila innan stjórnsýslunnar í tengslum við fíkniefnaeftirlit. Samstarfið gengur meðal annars út á samnýtingu búnaðar og mannafla.
Upplýsingum um fíkniefni eða annan ólöglegan innflutning má koma til skila í gegnum eftirfarandi leiðir:
- Hringið í síma 560 0599
- Sendið fax í síma 560 0361
- Sendið póst á smygl@skatturinn.is
- Sendið ábendingu til tollgæslu
