Áhættusöm og ósamvinnuþýð ríki frá október 2026
Ríkisskattstjóri hefur uppfært lista yfir ríki sem teljast áhættusöm, ósamvinnuþýð eða með annmarka á aðgerðum gegn peningaþvætti og fjármögnun hryðjuverka.
Að þessu sinni bætist Rússland við listann.
Þau lönd sem falla brott frá síðasta lista eru: Búlgaría, Búrkína Fasó, Malí, Mósambík, Nígería, Suður-Afríka og Tansanía
Listi yfir áhættusöm og ósamvinnuþýð ríki sýnir annars vegar ríki sem koma fram í yfirlýsingu Financial Action Task Force (FATF) frá 30. október um ríki undir sérstöku eftirliti og hins vegar ríki sem Evrópusambandið hefur tilgreint sem áhættusöm þriðju lönd, sbr. reglugerð nr. 577/2026, um breytingu á reglugerð um áhættusöm þriðju lönd vegna aðgerða gegn peningaþvætti og fjármögnun hryðjuverka, nr. 105/2020.
Í yfirlýsingu FATF frá því í október kemur fram að ríki skuli grípa til sérstakra fyrirbyggjandi varúðarráðstafana gagnvart Norður-Kóreu og Íran, enda steðji viðvarandi ógn að hinum alþjóðlega fjármálamarkaði vegna aðgerðarleysis ríkjanna í aðgerðum gegn peningaþvætti og fjármögnun hryðjuverka. Þá skuli ríki gæta aukinnar árvekni í viðskiptum við aðila frá Mjanmar.
Í samræmi við 6. gr. laga nr. 140/2018 um aðgerðir gegn peningaþvætti og fjármögnun hryðjuverka skulu tilkynningarskyldir aðilar gefa aðilum frá eftirfarandi ríkjum sérstakan gaum, m.t.t. aukinnar hættu á peningaþvætti og fjármögnun hryðjuverka og framkvæma aukna áreiðanleikakönnun í samræmi við 13. og 14. gr. laga nr. 140/2018.
Þau ríki sem eru talin áhættusöm, ósamvinnuþýð eða með annmarka í framangreindum skilningi eru eftirfarandi:
- Afganistan
- Alsír
- Alþýðulýðveldið Kórea
- Angóla
- Bosnía og Hersegóvína
- Bólivía
- Bresku Jómfrúaeyjar
- Fílabeinsströndin
- Haítí
- Írak
- Íran
- Jemen
- Kamerún
- Kenía
- Kúveit
- Laos
- Líbanon
- Lýðstjórnarlýðveldið Kongó
- Mjanmar/Búrma
- Mónakó
- Namibía
- Nepal
- Papúa Nýja-Gínea
- Rússland
- Suður-Súdan
- Sýrland
- Trinidad og Tóbagó
- Vanúatú
- Venesúela
- Víetnam
