Tollskrá

Tollskráin er byggð á samræmdu vörulýsingar- og vörunúmeraskrá Tollasamvinnuráðsins sem var tekin upp í alþjóðlegum viðskiptum samkvæmt alþjóðlegum samningi 14. júní 1983. 

Tilgangurinn með samningnum er að auðvelda alþjóðleg viðskipti og söfnun, samanburð og greiningu tölfræðilegra upplýsinga að því er þau varðar. Að baki samningsgerðinni bjó jafnframt krafa ríkisstjórna um nákvæma sundurgreiningu vara vegna tolla og skýrslugerðar og mikilvægi nákvæmra og sambærilegra upplýsinga vegna alþjóðlegrar samningagerðar í viðskiptum.

Veftollskrá

Í tollskránni er hægt að leita að tollnúmerum eða texta og skoða upplýsingar um tolla, gjöld, leyfi, bönn og fleira sem tengist tollskrárnúmeri. Jafnframt er hægt að reikna aðflutningsgjöld á einstök tollskrárnúmer.

Lesa meira

Bindandi álit

Með því að óska bindandi álits Skattsins um tollflokkun vöru er innflytjandi að tryggja sér það fyrirfram að tollflokkun vörunnar sé rétt og í samræmi við lög og túlkun tollyfirvalda.

Lesa meira
Þessi síða notar vefkökur. Lesa meira Loka kökum