Slit sameignarfélags
Þegar félagsmenn hafa samþykkt félagsslit á félagsfundi skal taka ákvörðun um skiptimeðferð. Hægt er að:
- Kjósa skilanefnd sem sér um skipti og getur félagsstjórn verið skilanefnd
- Félagsmenn sjá sjálfir um skipti
Framkvæmd skipta
Skref eitt
Skilanefnd eða sá sem annast skipti skal tilkynna fyrirtækjaskrá að ákveðið hafi verið að slíta félaginu. Tilkynningareyðublað má nálgast hér. RSK 17.54Skref tvö
Næst þarf að birta auglýsingu um félagsslitin tvisvar í Lögbirtingablaðinu. Í auglýsingunni þarf að skora á lánardrottna félagsins að lýsa kröfum sínum innan tveggja mánaða frá fyrri birtingu.
Nánari upplýsingar um gerð auglýsingar er að finna á vef Lögbirtingablaðsins.
Skilanefnd eða sá sem annast skipti félagsins skal halda skrá yfir eignir og skuldir félagsins og gera sjálfstætt slitauppgjör frá síðasta ársreikningi.
Þegar allar skuldir félagsins hafa verið greiddar eða settar tryggingar fyrir greiðslu þeirra og hagnaður og tap hefur verið gert upp skal sá sem annast skiptin leggja fram á félagsfundi til staðfestingar skriflega úthlutunargerð og lokareikning félagsins. Athygli er vakin á því að félagsfundurinn verður að vera haldinn eftir að tveir mánuðir eru liðnir frá fyrri auglýsingu í Lögbirtingablaðinu.
Sýnishorn að auglýsingu
Félagsslit
Á ályktunarbærum félagsfundi [dags] í neðangreindu sameignarfélagi var ákveðið að slíta félaginu, í samræmi við lög nr. 50/2007, um sameignarfélög.
Með vísan til 41. gr. laga nr. 50/2007, er hér með skorað á lánardrottna félagsins að lýsa kröfum sínum á hendur félaginu innan 2ja mánaða frá fyrri birtingu auglýsingar þessarar. Kröfulýsingar skulu sendar til nafn, heimilisfang, staður, merktar (Nafn félagsins)
Félagsmenn hafa ákveðið að boða til fundar með lánardrottnum og félagsmönnum að heimilisfang, á neðangreindum tíma, til að fjalla um kröfur á hendur félaginu.
Nafn Sameignarfélags
[Nafn] sf.
kt [kt.]
Félagsfundur
[þriðjudaginn] [Dags-a.m.k. 2.mán.frá birtingu auglýsingar]
kl. 10.00
Reykjavík, [Dags].
F.h. félagsmanna,
Skref þrjú
Þegar úthlutunargerðin hefur verið staðfest á félagsfundi skal sá sem annast skiptin tilkynna firmaskrá að skiptum sé lokið og félaginu hafi verið slitið. Verður þá félagið afskráð.
