Skuldajöfnuður

Í skuldajöfnuði felst að inneign gjaldanda í skattkerfinu er notuð til að greiða gjaldfallna kröfu.

Skilyrði:

Skilyrði þess að unnt sé að beita skuldajöfnuði um skattkröfur er að gjaldandi eigi inneign og sé á sama tíma sé til staðar gjaldfallin skuld við innheimtumenn ríkissjóðs. 

Inneign gjaldanda hjá innheimtumanni ríkissjóðs getur stafað af lögbundnum endurgreiðslum úr skattkerfinu, til dæmis vaxtabætur, barna­bætur og úrskurðaðar endurgreiðslur á virðisaukaskatti. Einnig getur inneign myndast við ofgreiðslur gjaldanda.

Innheimtumanni ríkissjóðs ber að skuldajafna og fer um forgangsröðun samkvæmt reglum nr. 797/2016 um forgangsröðun og skuldajöfnun skatta og gjalda. Greiðsla með skuldajöfnuði er þvinguð greiðsla og því hefur gjaldandi ekki forræði á því hvernig greiðslum með skuldajöfnuði er ráðstafað. Skuldajöfnuður rýfur ekki fyrningu kröfu.

Ítarefni

Hvar finn ég reglurnar?

Lög nr. 150/2019 um innheimtu opinberra skatta og gjalda
Lög nr. 90/2003 um tekjuskatt
Lög nr. 45/1987 um staðgreiðslu opinberra gjalda
Lög nr. 50/1988 um virðisaukaskatt
Reglugerð nr. 990/2001 um greiðslu vaxtabóta
Reglugerð nr. 555/2004 um greiðslu barnabóta                                                   
Reglur nr. 797/2016 um forgangsröðun og  skuldajöfnun skatta og gjalda