Leiðbeiningar um skil á staðgreiðslu af launum
Hér má finna upplýsingar um skil og greiðslu á staðgreiðslu og tryggingagjaldi.
Hvar á að skila skýrslu?
Upplýsingum um staðgreiðslu af launum er skilað á þjónustuvef Skattsins undir Vefskil -> Staðgreiðsla -> Skila skýrslu.
Einnig er hægt að skila upplýsingum beint úr ýmsum launa og/eða bókhaldsforritum.
Innskráning á þjónustuvef fer fram með kennitölu og staðgreiðsluveflykli en
einstaklingar með rekstur á eigin kennitölu geta notað rafræn skilríki til að skila.
Hvernig á að fylla út skýrslu?
Leiðbeiningar og skýringarmynd um hvernig skilagrein staðgreiðslu er útfyllt er að finna í orðsendingu 1/2025 til launagreiðenda.
Hvenær á að skila skýrslum og greiða launatengdu gjöldin?
Skil á staðgreiðslu og launatengdum gjöldum er 15. hvers mánaðar. Beri 15. upp á helgi eða helgidag færist skiladagur á næsta virka dag á eftir.
Upplýsingar
um eindaga staðgreiðslu og tryggingagjalds má sjá í skattadagatali Skattsins.
Hvernig er greitt?
Þegar
skýrslu hefur verið skilað þá myndast innheimtukrafa í
heimabanka.
Ef innheimtukrafan birtist ekki tímanlega í heimabanka þá þarf að millifæra á Skattinn.
Uppfærð skuldastaða á að vera sýnileg á Mínum síðum Ísland.is undir Fjármál.
Staðgreiðslu og tryggingagjald er innheimt í einu lagi en eftir eindaga
skiptist krafan í tvennt í heimabanka, í staðgreiðslu annars vegar og
tryggingagjald hins vegar.
Skýrslu ekki skilað á réttum tíma
Sé skýrslu ekki skilað fyrir eindaga þarf að skila skýrslu um leið og mögulegt er á þjónustuvef Skattsins, undir Vefskil -> Staðgreiðsla -> Skila skýrslu.
Hafi birst krafa fyrir áætlunin í heimabanka hverfur hún ekki samstundis skil á skýrslu, það tekur nokkra daga. Eftir að skýrslu hefur verið skilað þá myndast reikningur fyrir réttri kröfu í heimabanka.
Hægt er að sjá uppfærða skuldastöðu á Mínum síðum Ísland.is undir Fjármál.
Engin laun (fyrir lögaðila)
Lögaðilar á launagreiðendaskrá þurfa að skila inn staðgreiðslu skilagrein þó engin laun hafi verið greidd. Í þeim tilvikum þarf að fara á þjónustuvef Skattsins undir Vefskil -> Staðgreiðsla -> Skila skýrslu. Ekkert er skrifað í skýrsluna sjálfa en velja þarf færri línur og ýta svo á áfram og senda skýrsluna.
Einstaklingar með rekstur - breyting á reiknuðu endurgjaldi
Einstaklingar,
sem eru á launagreiðendaskrá, eiga að skila skýrslu mánaðarlega og reikna á sig
jöfn laun alla mánuði ársins. Sé skýrslu
skilað með lægri fjárhæð en viðkomandi áætlaði á sig í laun á mánuði myndast áætlun
í heimabanka.
Tilkynna þarf allar breytingar með því að fylla út eyðublað og útskýra málið í
athugasemdardálknum, RSK 5.02.
Leiðrétta skýrslu og bakfæra ranga skýrslu
Hafi rangri skýrslu verið skilað inn þarf að fylgja eftirfarandi leiðbeiningum:
- Byrja þarf að skila réttri staðgreiðsluskýrslu.
- Síðan er ranga skýrslan bakfærð.
Skýrslur eru bakfærðar á þjónustuvef Skattsins undir Vefskil -> Staðgreiðsla -> Bakfæra skýrslu.
Innskráning verður að fara fram með veflykli staðgreiðslu.