Útibú erlendra félaga á Íslandi

Útibú erlendra félaga eru skráð hjá fyrirtækjaskrá.

Afgreiðslutími umsóknar um skráningu útibús erlends félags er almennt um tíu til tólf virkir dagar frá því að gögn eru lögð inn til fyrirtækjaskrár séu þau fullnægjandi og tilkynningargjald hafi verið greitt (upplýsingar neðst í tilkynningu). Hægt er að senda skannað afrit af stofngögnum á netfangið fyrirtaekjaskra@skatturinn.is Ekki er nauðsynlegt að skila inn frumritum af gögnum.

Umsókn

Sótt er um skráningu útibús erlendra félaga á eyðublaði RSK 17.18. 

Fylgigögn með umsókn

Eftirfarandi fylgiskjöl þurfa að fylgja tilkynningunni. Gögnin þurfa að vera á íslensku, ensku, dönsku, sænsku eða norsku, eða þýdd yfir á eitthvert þessara tungumála.

  • Skráningarvottorð
    Staðfesting á skráningu erlenda félagsins í heimalandi þess. Það má ekki vera eldra en þriggja mánaða gamalt.
  • Starfsumboð
    Stjórn erlenda félagsins veitir starfsumboð fyrir útibússtjóra auk prókúruumboðs.
  • Ársreikningur
    Síðasti ársreikningur erlenda félagsins.
  • Tilkynning um raunverulega eigendur - RSK 17.27 – Undirrituð af stjórnarmanni, framkvæmdastjóra eða prókúruhafa.

Ítarefni

Hvar finn ég reglurnar?

Þessi síða notar vefkökur. Lesa meira Loka kökum