Viltu ganga til liðs við góðan hóp hjá Skattinum?

Viltu leiða deild mannauðs hjá Skattinum?

Leitað er að öflugum og reyndum aðila til að leiða deild mannauðs innan stofnunarinnar. Um er að ræða fjölbreytt og ábyrgðarmikið nýtt starf þar sem lögð er áhersla á fagmennsku, jafnrétti og vandaða stjórnsýslu.  Gildi Skattsins eru fagmennska, framsækni og samvinna.

Um starfið

Starfið felur í sér að leiða deild mannauðs á nýju sviði mannauðs-og fjármála og heyrir undir sviðsstjóra. Um er að ræða lykilhlutverk í mótun og innleiðingu stefnu í mannauðsmálum og uppbyggingu á jákvæðri vinnustaðamenningu.

Starfið felur í sér náið samstarf við framkvæmdastjórn, stjórnendur og starfsmenn stofnunarinnar, auk þátttöku í stefnumótandi ákvörðunum og umbótaverkefnum. 

Helstu verkefni og ábyrgð

• Mótun og framkvæmd mannauðsstefnu í samræmi við stefnumarkandi áherslur Skattsins og lögbundið hlutverk
• Stuðla að jákvæðri, heilbrigðri og góðri vinnustaðamenningu
• Stjórnendaráðgjöf og stuðningur í mannauðsmálum
• Umsjón með ráðningarferli og móttöku nýrra starfsmanna
• Vinnustaðagreiningar og stuðningur við umbætur í vinnuumhverfi
• Aðstoð við framkvæmd kjaramála og gerð starfslýsinga
• Umsjón og undirbúningur starfsmannasamtala
• Tryggja að mannauðsmál séu í samræmi við lög og reglugerðir

Hæfnikröfur

• Afburða samskiptafærni, jákvæðni og rík þjónustulund
• Stjórnunar-og leiðtogahæfni
• Viðamikil og farsæl reynsla af mannauðsstjórnun
• Geta til að vinna vel undir álagi og að stýra teymi
• Góð hæfni til upplýsingamiðlunar í minni og stærri hópum á íslensku og ensku
• Góð stafræn færni
• Háskólamenntun sem nýtist í starfi
• Reynsla af stefnumótun og umbótastarfi
• Þekking á vinnurétti og kjaramálum innan opinberra stofnana er kostur
• Hreint sakavottorð

Frekari upplýsingar um starfið

• Vinnutími: Dagvinna
• Starfshlutfall: 100 - 100%
• Starfssvið: Stjórnunarstörf
• Launaskilmálar: viðkomandi stéttarfélags

Umsóknir skulu fylltar út á vefsíðu Skattsins, skatturinn.is eða á vefsíðu Starfatorgs, starfatorg.is Til þess að umsókn teljist fullnægjandi þarf að fylgja ítarleg ferilskrá þar sem fram koma upplýsingar um umsagnaraðila auk kynningarbréfs þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið og annað er máli skiptir. Umsækjenda um starf hjá Skattinum kann að vera gert að leysa verkefni í ráðningarferlinu sem kæmi, auk annarra þátta, heildstætt inn í mat á hæfni til viðkomandi starfs.

Skatturinn hvetur áhugasama einstaklinga, óháð kyni, til að sækja um starfið.

Nánari upplýsingar um starfið veitir Snorri Olsen ríkisskattstjóri í síma 442-1000 eða með tölvupósti á netfangið snorri.olsen@skatturinn.is

Öllum umsóknum verður svarað þegar ákvörðun hefur verið tekin um ráðningu.

Nánari upplýsingar veitir

• Snorri Olsen, 4421000, snorri.olsen@skatturinn.is

RSK Mannauðssvið

Laugavegur 166

Störf hjá Skattinum

Hér er hægt að skrá almenna umsókn fyrir ýmis störf hjá embættinu. Almennum starfsumsóknum er ekki svarað sérstaklega og þær hverfa úr kerfinu eftir 6 mánuði. Vinsamlegast skráið sérstakar óskir varðandi starf eða staðsetningu í reitinn "annað sem þú vilt taka fram" í umsókn. Sækja þarf sérstaklega um auglýst störf. Samkvæmt lögum ber ríkisstofnunum að auglýsa laus störf. Undanþágur frá auglýsingaskyldu eru takmarkaðar við ráðningar til skemmri tíma en tveggja mánaða, afleysingar sem vara skulu skemur en 12 mánuði og ráðningar í störf sem auglýst hafa verið með opinni auglýsingu innan s.l. 6 mánaða.

Helstu verkefni og ábyrgð

Mismunandi eftir störfum.

Hæfnikröfur

Mismunandi eftir störfum.

Frekari upplýsingar um starfið

• Vinnutími: Dagvinna
• Starfshlutfall: 100%
• Starfssvið: Önnur störf
• Launaskilmálar: viðkomandi stéttarfélags

Mismunandi eftir störfum.

Nánari upplýsingar veitir

• Unnur Ýr Kristjánsdóttir, 442-1000, unnur.kristjansdottir@skatturinn.is

RSK Ríkisskattstjóri (09210)

Laugavegur 166