Vaxtabætur

Innheimtumaður ríkissjóðs sér um útgreiðslu vaxtabóta. Nauðsynlegt er að gefa upp bankareikning, sem leggja má inn á.

Fylltu út neðangreint eyðublað og sendu til innheimtumanns ríkissjóðs í þínu umdæmi:

Beiðni til innheimtumanns ríkissjóðs um ráðstöfun greiðslna

Vaxtabætur eru ákvarðaðar af Skattinum samkvæmt upplýsingum á skattframtali. Útreikningur vaxtabóta er framkvæmdur í álagningarvinnslu og útborgunardagur er 1. júní.

Þó geta þeir sem hafa keypt eða hafið byggingu frá 1999 fengið vaxtabætur greiddar út fyrirfram. Fyrirframgreiðsla er bráðabirgðagreiðsla og í álagningarvinnslu eru vaxta­bætur reiknaðar út og gerðar upp ef um of- eða vangreiðslu er að ræða. Útborgunar­dagar fyrirframgreiðslu eru 1. júlí, 1. október, 1. febrúar og 1. maí. Fyrirframgreiðsla kemur ekki til útborgunar fyrr en fjárhæð hennar nemur 5.000.