Greiðsla inneigna

Inneign hjá ríkissjóði getur stafað af lögbundnum endurgreiðslum úr skattkerfinu, til dæmis barnabætur og úrskurðaðar endurgreiðslur á virðisaukaskatti. Einnig getur inneign myndast við ofgreiðslu skatta.

Innheimtumanni ríkissjóðs ber að skuldajafna inneignum upp í gjaldfallnar skuldir gjaldanda. Sérreglur gilda um skuldajöfnuð barnabóta.

Bankaupplýsingar

Inneignir eru greiddar út á skráðan íslenskan bankareikning. 

Hægt er að skrá bankareikning á Mínum síðum Ísland.is.

Ofgreiðsla

Ef skattar og gjöld eru ofgreidd, til dæmis ef skattbreyting leiðir til lækkunar á greiddri álagningu myndast inneign. Slík ofgreiðsla er endurgreidd gjaldanda skuldi hann ekki aðra skatta eða gjöld, að öðrum kosti er inneigninni skuldajafnað á móti gjaldföllnum skuldum.

Vextir á inneignir

Inneignir hjá innheimtumanni ríkissjóðs bera vexti samkvæmt ákvæðum ýmissa sérlaga um skatta og gjöld, lögum nr. 150/2019, um innheimtu opinberra skatta og gjalda og lögum nr. 38/2001, um vexti og verðtryggingu.