Áhafnir

Þeir sem eru í áhöfn aðkomufars skulu gera grein fyrir varningi á sérstöku eyðublaði, hvort sem flytja á hann í land eða nota hann um borð í fari, og jafnframt framvísa vörum sem eru háðar innflutningstakmörkunum eða innflutningsbanni.

Tollgæslu er heimilt að taka farangur farþega og áhafnar í sínar vörslur til skoðunar síðar ef þurfa þykir. Getur eigandi krafist þess að farangurinn verði innsiglaður þar til skoðun fer fram þar sem hann á rétt á að vera viðstaddur skoðunina. Enn fremur skal tollgæsla gefa út fullnægjandi kvittun ef hann óskar þess.

Verslun / Tollfríðindi

Varningur sem skipverjar og flugverjar (farmenn), búsettir hér á landi, hafa meðferðis hingað til lands eða kaupa í tollfrjálsri verslun að verðmæti:

• Allt að 32.500 kr., miðað við smásöluverð á innkaupsstað, hafi þeir verið skemur en 15 daga í ferð,
• Allt að 65.000 kr., hafi þeir verið lengur í ferð.
• Verðmæti einstaks hlutar skal þó að hámarki vera 32.500 kr.

Tollfrelsi matvara, þ.m.t. sælgæti, er takmarkað við 25.000 kr. verðmæti og 10 kg (kílógrömm) að þyngd. Verðmæti tollfrjálsra matvæla fellur undir verðmætamörkin og kemur þar af leiðandi til frádráttar frá tollfrjálsri heimild annarrar verslunar.

Skipverjum og flugverjum, búsettum erlendis, er heimilt að flytja inn tollfrjálst ferðabúnað og annan farangur sem er hæfilegur miðað við tilgang ferðar og dvalartíma viðkomandi hér á landi, enda verði hann fluttur úr landi á ný við brottför eiganda.

Skipverjar á íslenskum skipum eða skipum í leigu íslenskra aðila

Flugverjar, þ.m.t. flugverjar í aukaá­höfn

Nýtingu á tollfrelsi fyrir áhafnir flugvéla (ferð styttri en 15 dagar)

Taflan sýnir lítrafjölda og einingar eftir tegundum áfengis

Með einingu er átt við:

1. Hverja 0,25 lítra af sterku áfengi, þ.e. áfengi sem í er meira en 21% af vínanda af rúmmáli.
2. Hverja 0,75 lítra af léttvíni, þ.e. áfengi annað en öl sem í er 21% eða minna af vínanda að rúmmáli. 
3. Hverja 3 lítra af öli sbr. 1. tölul. 1. mgr. 3. gr.
4. Hverja 3 lítra af gosvíni, gerjaðri drykkjarvöru eða blöndu gerjaðra drykkjarvara og óáfengra drykkja sem flokkast undir vöruliði 2208 og 2206 enda sé varan að hámarki 6% að styrkleika. 

  Sjá: Lög um gjald á áfengi og tóbak, nr. 96/1995 með síðari breytingum.

 

Ítarefni

Hvar finn ég reglurnar?