Greiðsludreifing staðgreiðslu og tryggingagjalds
Lengri frestur á greiðslum gjalddaga frá árinu 2021
Launagreiðendum, sem fengu frest hjá Skattinum til skila á afdreginni staðgreiðslu og tryggingagjaldi af launum vegna ársins 2021 til 15. dags janúar 2022 (eindagi bar upp á 17. janúar) gátu sótt um að þeirri greiðslu yrði dreift á sex jafnháar mánaðarlegar greiðslur þar sem fyrsta greiðsla er 1. september 2022 og mánaðarlega eftir það.
Sækja þurfti um greiðsludreifingu á þjónustusíðu Skattsins í síðasta lagi þann 31. janúar 2022
Nánari um úrræðið
Með lögum nr. 36/2021, um breytingu á ýmsum lögum til að mæta efnahagslegum áhrifum heimsfaraldurs kórónuveiru (greiðsludreifing staðgreiðslu og tryggingagjalds, úttekt séreignarsparnaðar) var lögaðilum og einstaklingum í atvinnurekstri, sem fengið hafa frest til að skila á afdreginni staðgreiðslu og tryggingagjaldi af launum vegna ársins 2020 til 15. dags mánaðanna júní, júlí og ágúst 2021 veitt heimild til að sækja um greiðsludreifingu á þeim greiðslum í 48 jafnháar mánaðarlegar greiðslur.
Fyrsti gjalddagi greiðsludreifingar var 1. júlí 2022.
Hafi krafa í greiðsludreifingu ekki verið greidd á eindaga, sem er 14 dögum eftir gjalddaga, leggjast dráttarvextir á fjárhæðina sem er gjaldfallin, frá gjalddaga.
Verði vanskil á þremur frestuðum greiðslum fellur greiðsludreifingin niður og ógjaldfallnar kröfur í greiðsludreifingu falla í gjalddaga. Gjalddagi er fyrsti dagur næsta mánaðar eftir að greiðsludreifingin féll niður og eindagi er 14 dögum síðar. Sé krafan ekki greidd á eindaga leggjast á dráttarvextir frá gjalddaga.
Skilyrði greiðsludreifingar
Skilyrði er að úthluta ekki arði eða kaupa eigin hluti á árinu 2022 og úttekt eigenda innan ársins 2022 má ekki fara umfram reiknað endurgjald þeirra. Önnur skilyrði fyrir þessari frekari frestun eru þau að launagreiðandi sé ekki í vanskilum með opinber gjöld, skatta og skattsektir sem komnar voru á eindaga 1. ágúst 2021 og að álagðir skattar og gjöld byggist ekki á áætlunum vegna vanskila á skattframtölum og skýrslum, þ.m.t. staðgreiðsluskilagreinum og virðisaukaskattsskýrslum til Skattsins, sl. þrjú ár eða síðan hann hóf starfsemi. Bú aðila skal ekki hafa verið tekið til gjaldþrotaskipta. Jafnframt skal launagreiðandi ekki hafa verið tekinn til slita, nema ef slitin eru liður í samruna eða skiptingu rekstraraðilans og fyrirhugað er að halda rekstri veitingastaðar eða -staða sem umsókn varðar áfram í lögaðila sem við tekur.
Leiðbeiningar fyrir umsókn
Útbúinn hefur verið rafrænn farvegur fyrir umsóknir um greiðsludreifingu staðgreiðslu og tryggingagjalds.
Innskráning á þjónustuvef
Fyrsta skrefið er að skrá sig inn á þjónustuvef Skattsins með veflykli staðgreiðslu.
Hjá flestum launagreiðendum ætti að birtast kassi líkt og hér til hliðar á forsíðu þjónustusíðu eftir innskráningu.
Þeir einir fá upp umsókn um greiðsludreifingu sem fengið höfðu frest hjá Skattinum til að skila á afdreginni staðgreiðslu og tryggingagjaldi af launum.
Skilyrði fyrir greiðsludreifingu
Skilyrði er að úthluta ekki arði eða kaupa eigin hluti á árinu 2022 og úttekt eigenda innan ársins 2022 má ekki fara umfram reiknað endurgjald þeirra.
Önnur skilyrði fyrir þessari frekari frestun eru þau að launagreiðandi sé ekki í vanskilum með opinber gjöld, skatta og skattsektir sem komnar voru á eindaga 1. ágúst 2021 og að álagðir skattar og gjöld byggist ekki á áætlunum vegna vanskila á skattframtölum og skýrslum, þ.m.t. staðgreiðsluskilagreinum og virðisaukaskattsskýrslum til Skattsins, sl. þrjú ár eða síðan hann hóf starfsemi.
Bú aðila skal ekki hafa verið tekið til gjaldþrotaskipta. Jafnframt skal launagreiðandi ekki hafa verið tekinn til slita, nema ef slitin eru liður í samruna eða skiptingu rekstraraðilans og fyrirhugað er að halda rekstri veitingastaðar eða -staða sem umsókn varðar áfram í lögaðila sem við tekur.
Senda umsókn
Þegar skilyrði hafa verið samþykkt skal senda umsókn.
Umsækjandi þarf að staðfesta að hann hafi kynnt sér ákvæði laga um staðgreiðslu opinberra gjalda er varða greiðsludreifingu.
Umsókn móttekin
Á staðfestingu á móttöku umsóknar er farið tilgreind sú fjárhæð sem óskað er greiðsludreifingar á, hverjir gjalddagar voru og hvenær fyrsti gjalddagi greiðsludreifingar ber upp.
Staðfesting umsóknar
Undir samskiptaflipanum á þjónustusíðunni má sækja kvittun fyrir umsókn um greiðsludreifingu.
