Rafræn skilríki í farsíma virka í nær öllum tegundum síma, hvort sem það er snjallsími eða eldri farsími.
Skilríkið er vistað á SIM-kort símans þíns. Til þess að nota það þarf einungis farsíma, engin önnur tæki. Þá velur þú PIN númer sem þú stimplar inn í símann í hvert sinn sem þú notar rafræna skilríkið þitt.
Sjá upplýsingar um rafræn skilríki á Ísland.is
Ef SIM-kortið styður ekki rafræn skilríki skaltu leita til þíns símafyrirtækis eða til endursöluaðila og fá kortinu skipt. Þú getur líka kannað hvort hægt sé að fá kortið sent heim.
Athugaðu að hafa með þér ökuskírteini, vegabréf eða nafnskírteini þegar virkja á rafræn skilríki, og auðvitað símann.
Áður en rafrænt skilríki er notað þarf að virkja það, en það er hægt að gera á afgreiðslustöðum skilríkjanna.
Sjá lista yfir skráningarstöðvar
Þú hefur meðferðis gilt skilríki (vegabréf, ökuskírteini, nafnskírteini) og skrifar undir samning í tengslum við ný skilríki. Þú velur jafnframt eitt 4-8 stafa PIN númer til að nota á skilríkinu.
Einfalt
Þú þarft aðeins að muna eitt PIN númer, sem þú velur.
Þægilegt
Þú þarft engan kortalesara.
Öruggt
PIN númerið er hvergi geymt miðlægt. Skilríki í síma eru öruggasta auðkenningin sem er í boði fyrir almenning.
Einstaklingar undir 18 ára aldri geta fengið rafræn skilríki hvort sem er á farsíma eða á korti.
Umsækjandi þarf í viðurvist foreldra eða forsjáraðila að framvísa þarf gildu skilríki (vegabréf, ökuskírteini, nafnskírteini gefið út af Sýslumönnum) og skrifa þarf undir samning í tengslum við ný skilríki. Foreldri eða forsjáraðili þarf jafnframt að framvísa skilríki (vegabréf, ökuskírteini, nafnskírteini gefið út af Sýslumönnum) og skrifa undir með umsækjandanum.
