Fjármagnstekjuskattur

Fjármagnstekjuskattur er lagður á tekjur einstaklinga af eignum, utan atvinnurekstrar.

Fjármagnstekjuskattur er lagður á:

Vaxtatekjur (t.d. af bankainnstæðum og skuldabréfum)
Arð
Söluhagnað
Leigutekjur (ef ákveðin skilyrði eru uppfyllt – sjá nánar um útleigu)

Ef tekjurnar tengjast atvinnurekstri eru þær ekki skattlagðar með fjármagnstekjuskatti, heldur eftir reglum um tekjur í rekstri.

Fjármagnstekjur og aðrir skattar

Á fjármagnstekjur er ekki lagt útsvar og þær hafa engin áhrif á þrepaskiptingu tekjuskatts.

Þó að fjármagnstekjur hafi ekki áhrif á tekjuskattsþrep, eru þær teknar með við útreikning vaxtabóta og barnabóta.

Um skattlagningu einstakra fjármagnstekna

Staðgreiðsla fjármagnstekjuskatts

Af vaxtatekjum og arði er dregin staðgreiðsla en fjármagnstekjuskattur af söluhagnaði og leigutekjum er greiddur eftirá.

Arður

Ef þú færð arð frá félagi:

Félagið heldur eftir skatti af arðinum áður en hann er greiddur út.
Þetta á við hvort sem arðurinn er greiddur í peningum, kröfum eða öðrum verðmætum.

Félagið sem greiðir út arðinn skilar svo inn hlutafjármiðum í janúar ár hvert með upplýsingum um:

Hlutafjáreign
Greiddan arð
Skatt sem dreginn var frá

Vextir

Bankar, verðbréfafyrirtæki og aðrir staðgreiðsluskyldir aðilar halda eftir fjármagnstekjuskatti áður en vextirnir eru greiddir út. Þetta á við um þegar vextir eru greiddir vegna:

Inneigna
Skuldabréfa
Krafna

Frítekjumark kemur ekki til greina við staðgreiðsluna – það er tekið tillit til þess síðar við álagningu.

Greiðsla án staðgreiðslu

Af vaxtatekjum sem greidd er með öðrum hætti, t.d. af kröfum í eigin innheimtu, er ekki greidd staðgreiðsla, heldur er fjármagnstekjuskattur af þeim greiddur eftirá samkvæmt upplýsingum í skattframtali.

Ítarefni

Hvar finn ég reglurnar?

Fjármagnstekjur – C-liður 7. gr. laga nr. 90/2003, um tekjuskatt

Fjármagnstekjur er féllu til á árinu 2009 – 2. mgr. ákvæðis til bráðabirgða XXIX í lögum nr. 90/2003, um tekjuskatt

Skattprósenta og frítekjumark – 3. mgr. 66. gr. laga nr. 90/2003, um tekjuskatt

Staðgreiðsla – lög nr. 94/1996, um staðgreiðslu skatts á fjármagnstekjur

Tímamark tekjufærslu fjármagnstekna – 2. mgr. 8. gr. laga nr. 90/2003, um tekjuskatt

Eyðublöð

Kaup og sala eigna - RSK 3.02

Mótreikningur, vegna tapaðra fjármagnstekna - RSK 3.16

Einu sinni var...

Fjármagnstekjuskattur var tekinn upp á árinu 1997 og var skattprósenta lengst af 10%. Frá árinu 2009 hefur skattprósentan hins vegar tekið breytingum.

Þróun fjármagnstekjuskatts: