Framtalsgögn

Innan kaflans Vidskiptamadur koma upplýsingar um viðskiptamenn ásamt þeim undirköflum sem skilað er fyrir hvern viðskiptamann. Ekki er gert ráð fyrir að undirkaflanum ErlendurAdili sé skilað, í stað hans kemur undirkaflinn ErlendSkil. Enn má þó skila kaflanum Erlendur Adili. Skila verður svæðinu Kennitala eða undirkaflanum ErlendSkil eða báðum. Ef kennitala er ekki til staðar verður að skila undirkaflanum ErlendSkil. 

Kafli 3.1 í framtali: Innstæður í innlendum bönkum og sparisjóðum. Þegar um er að ræða bankareikninga sem eru í skuld en hafa gefið vexti á árinu kemur 0 í stakið Innstaeda en stökin Vaxtatekjur, Stadgreiðsla og Heildarvelta eru fyllt út. Reikningur sem er í skuld eða hefur borið vaxtagjöld á árinu er tilgreindur í undirkaflanum SkuldirOgVaxtagjold. Reikningar sem eru með vaxtatekjur eða veltu  og vaxtagjöld skulu tilgreindir í báðum köflunum.
Athugið að tilgreina skal alla bankareikninga í þessum kafla.

Gengismunur og staðgreiðsla af gengismun eru ný svæði á framtali 2012. Þau eru notuð til að tilgreina gengishagnað ársins og afdregna staðgreiðslu af reikningum í erlendri mynt. Ef reikningur er með gengishagnað, staðgreiðslu, vaxtatekjur eða inneign fer hann í kaflann InnstadurInnlendar. Ef um er að ræða skuld í árslok eða gengistap eða vaxtagjöld eru þau tilgreind í kaflanum SkuldirOgVaxtagjold. Halda verður sérstaklega utanum vaxtagjöld og gengishagnað vegna þess að ekki má nýta gengistap til lækkunar á vaxtatekjum og öfugt.

Kafli 5.2 eða 5.5 í framtali. Þessum kafla skal skila þegar um er að ræða lán sem mögulega koma til greina sem stofn til vaxtabóta og fara þá í kafla 5.2. á framtali. Lánum sem er alveg víst að eigi að fara í kafla 5.5 í framtali skal skila í kaflanum SkuldirOgVaxtagjold. Ef um er að ræða minnsta vafa er eindregið mælt með því skila láninu í þessum kafla.

Kerfi ríkisskattstjóra vinna úr þessum upplýsingum og raðar lánum í kafla samkvæmt því sem þau voru á fyrra ári. Lánin eru lesin saman eftir uppruna auðkenni. Þau lán sem finnast hvorki í kafla 5.2 né kafla 5.5 í framtali (samkvæmt uppruna auðkenni) fara á sundurliðunarblað þar sem framteljandi þarf að ákveða í hvorn kaflann það fer.

Komið hafa fram ábendingar frá framteljendum um að í kafla 5.2 koma ekki fram greiðslur umfram skilmála lánsins. Þetta má leysa með því setja greiðslur umfram skilmála í bæði „Heildargreiðslur“ og „Afborgun af nafnverði“. það sem skipir máli eru vaxtagjöldin (og skuld í árslok) en þau eru fengin með því að draga afborgun af nafnverði frá heildargreiðslum.

Eftirfarandi 4 svæði eru aðeins höfð með ef lán hefur verið yfirtekið:

Þegar lán er yfirtekið þarf að uppreikna afborgun af nafnverði samkvæmt vísitölu við dagsetningu yfirtöku. Það er að segja uppreiknaðar afborganir = vísitala yfirtökudagsetningar / grunnvísitölu * afborgun af nafnverði. Í þessum tilvikum verður að fylla út stakið UppreiknadarAfborganir og er það síðan sett í reitinn afborgun í  kafla 5.2 á framtali í stað staksins AfborgunNafnverds hér að ofan.

Kafli 5.5 á framtali: Skuldir og vaxtagjöld. Kaflinn hér á undan á við þau lán sem koma til greina í kafla 5.2 í framtali, lán vegna kaupa eða byggingar íbúðarhúsnæðis til eigin nota. Þessi kafli á við kafla 5.5 í framtali: Aðrar skuldir og vaxtagjöld, það er lán sem ekki koma til greina við útreikning á vaxtabótum. Hér skal einnig tilgreina bankareikninga sem eru í skuld í árslok og/eða hafa borið vaxtagjöld eða gengistap á árinu.

Kafli 3.3 á framtali: Innlend og erlend verðbréf og kröfur. Stofnsjóðsinneign.

Sundurliðunarblað 3.19: Hlutabréf. Upplýsingar samkvæmt þessum kafla um hlutafjáreign í árslok eru færðar á sundurliðunarblað til hagræðis fyrir framteljanda. Þessi kafli getur innihaldið undirkaflana HlutabrefSala og/eða HlutabrefKaup.

Þessi undirkafli er undirkafli kaflans Hlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

Þessi undirkafli er undirkafli kaflans Hlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

Sundurliðunarblað RSK 3.19: Hlutabréf. Upplýsingar samkvæmt þessum kafla um hlutafjáreign í árslok eru færðar á sundurliðunarblað til hagræðis fyrir framteljanda. Þessi kafli getur innihaldið undirkaflana ErlendHlutabrefSala og/eða ErlendHlutabrefKaup.

Þessi undirkafli er undirkafli kaflans ErlendHlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

Þessi undirkafli er undirkafli kaflans ErlendHlutabref. Sundurliðunarblað 3.19: Hlutabréf. Upplýsingar samkvæmt þessum kafla eru færðar á sundurliðunarblað til hagræðis fyrir framteljanda.

Eyðublað 3.15: Sala/innlausn verðbréfa. Sjá nánar leiðbeiningar fyrir eyðublað 3.15 þar sem fram kemur nákvæm lýsing á einstökum upphæðarreitum ásamt upplýsingum um upphafsverð markaðsverðbréfa og gengi hlutdeildarskírteina.

Þegar þessum kafla er skilað þarf að gæta vel að því að tilgreina ekki vaxtatekjur og staðgreiðslu líka í kaflanum VerdbrefOgKrofur. Upplýsingum samkvæmt eyðublaði 3.15 er summerað upp í kafla 3.3 á framtali og þar af leiðandi má ekki tilgreina þær þar.

Hér kemur lýsing á undirkaflanum Threp. Hér skal tilgreina þann hluta vaxtatekna og staðgreiðslu sem tilheyra öðru skattþrepi en því sem var í gildi á tekjuári. Nánari lýsing er í vinnslu og verður birt þegar hún er tilbúin. Athugið að hér er um að ræða upphæðir sem eru "þar af" og eru innifaldar í heildarupphæðunum.

Þessi yfirkafli er notaður til að skila upplýsingum sem ekki falla beint undir neinn ofangreindra kafla, ásamt upplýsingum sem skila þarf vegna sérstakra aðstæðna og þá einungis tímabundið.

Kaflinn FasteignalanAfskrift er úreltur og kemur kaflinn Afskriftir í stað hans en í hann hefur verið bætt svæði vegna endurheimta afskrifta. Tekið verður við kaflanum FasteignalanAfskrift fyrst um sinn.

Mælst er til þess að þeir kaflar sem eru í XML sniðinu en er ekki lýst hér séu ekki notaður af öðrum en þeim sem þeir eru ætlaðir. Þessir kaflar hafa orðið til vegna sérstakra skila einstakra aðila og eru ekki ætlaðir til annars.

Afskriftir lána.

Lýsingunni hér fyrir neðan var breytt 2.2.2011 vegna ábendingar frá Samtökum fjármálafyrirtækja.

Undirkaflinn Afskriftir er notaður til að skila upplýsingum um fjárhæð afskriftar af lánum. Hér er gert ráð fyrir að allar afskriftir/lækkanir á árinu séu tilgreindar, óháð forsendum lækkunarinnar eða tilefni lántökunnar. Afskriftir sem hafa verið ákveðnar en ekki framkvæmdar fyrir lok tekjuárs (2012 vegna framtals 2013) skal ekki tilgreina hér. Þær tilheyra næsta ári.

Með afskriftum er átt við niðurfærslu/lækkun skuldar samkvæmt lögum og/eða sérstakra aðstæðna þar sem skuldareigandi gefur skuldara eftir alla eða hluta skuldarinnar.
Svæðið EndurreiknadLan í kaflanum SkuldirOgVaxtagjold er óþarft eftir þessa breytingu, en hefur ekki verið tekið út úr sniðinu.
Í upphæð afskriftar skal tilgreina fjárhæð allra lækkana/afskrifta sem orðið hafa á láninu án tillits til þess hvernig þær eru samsettar (höfuðstóll, vanskil, dráttarvextir). Miða skal við stöðu lánsins (uppgreiðsluverð) fyrir og eftir lækkun. Gert er ráð fyrir að undirkaflinn Afskriftir sé tilgreindur sérstaklega fyrir hvert lán.

Stofn til útreiknings á vaxtabótum við álagningu 2013 eru vaxtagjöld einstaklinga vegna húsnæðislána sem gjaldféllu 1. janúar 2011 og síðar og greidd voru á árinu 2012.

Hafi vextir gjaldfallið á árinu 2011 en verið ógreiddir í lok þess árs þá eiga þeir ekki að hafa talist til vaxta við útreikning á vaxtabótum 2012 en eiga að teljast með í stofninum við álagningu 2013, þ.e. ef greiðsla hefur átt sér stað á árinu 2012.

Með „greidd“ í þessu samhengi er átt við að formlega hafi verið gengið frá greiðslu, hvort sem það er gert með beinhörðum peningum eða nýju láni, þ.m.t. láni sem veitt er með hækkun höfuðstóls. Er þetta og í samræmi við meginreglur kröfuréttar um efndir skuldar, þar sem það telst vera lúkning á kröfu þótt hún sé greidd upp með nýju láni. Skilyrði er að gengið hafi verið frá greiðslunni að öllu leyti, þ.m.t. að lánveiting sé að fullu frágengin.

Dæmi um meðferð vaxtagjalda:

1.      Húsnæðislán í skilum.

Sem stofn til útreiknings á vaxtabótum teljast vextir sem gjaldféllu 1. janúar 2011 og síðar og greiddir voru á árinu 2012. 

2.      Húsnæðislán í vanskilum.

Sem stofn til útreiknings á vaxtabótum teljast eingöngu þeir vextir sem gjaldféllu 1. janúar 2011 og síðar og greiddir voru á árinu 2012. Gjaldfallnir vextir 1. janúar 2011 og síðar og sem eru ógreiddir í árslok 2012 teljast ekki með.

3.      Vanskilum bætt við höfuðstól húsnæðisláns.

Í þessu tilviki er um greiðslu að ræða í formi skuldbreytingar á þann veg að veitt er nýtt lán með því að bæta vanskilum við höfuðstól. Hér á að telja þann hluta vanskilanna sem er vextir og verðbætur með í stofni til útreiknings vaxtabóta á þeim tíma sem þetta er gert formlega og fullfrágengið.

Sama á við ef veitt er nýtt lán til skuldbreytingar á vanskilum.

4.      Frystingar – þegar lán er fryst eða greiðslum frestað.

a.       Hefðbundnar frestanir. Telja skal vexti og verðbætur sem bætt er við höfuðstól láns sem greidda vexti í skilningi ákvæða um vaxtabætur þegar það er framkvæmt formlega.

b.      Greiðsluskjól. Það er skilningur ríkisskattstjóra að í þessu tilviki séu afborganir og vextir hvorki gjaldfelldir né greiddir og ekki veitt nýtt lán með því að hækka höfuðstól lánsins. Af þessu leiðir samkvæmt framansögðu að enginn stofn til vaxtabóta myndast vegna slíkra lána.

c.       Greiðslujöfnun. Ekki verður séð að þær fjárhæðir sem færðar eru í greiðslujöfnunarreikning séu gjaldfelldar, sbr. ákvæði 5. gr. laga nr. 63/1985, um greiðslujöfnun fasteignaveðlána til einstaklinga, með áorðnum breytingum, en þar segir að sé „ framreiknað greiðslumark lægra en gjalddagafjárhæð gjaldfellur einungis sá hluti gjalddagafjárhæðar sem samsvarar greiðslumarki.“ Þegar af þessari ástæðu teljast vextir sem frestað er greiðslu á með þessum hætti ekki sem stofn til vaxtabóta.

Vaxtatekjur

Samkvæmt 3. tölul. C-liðar 7. gr. laga nr. 90/2003, um tekjuskatt, teljast vextir, verðbætur, afföll og gengishagnaður, sbr. 8. gr. laganna, til skattskyldra tekna. Í 2. mgr. 8. gr. laganna kemur fram að til tekna sem vextir, sbr. 1. mgr. sömu greinar, af kröfum eða inneignum, sem ekki eru tengdar atvinnurekstri eða sjálfstæðri starfsemi, teljist vextir sem greiddir eru eða eru greiðslukræfir og greiddar verðbætur á afborganir og vexti. Til tekna í þessu sambandi teljist enn fremur gengishækkun hlutdeildarskírteina, svo og hvers kyns gengishagnaður og afföll af keyptum verðbréfum, víxlum og sérhverjum öðrum kröfum og hvers kyns aðrar tekjur af peningalegum eignum. Í 66. gr. laganna er nánar kveðið á um útreikning fjármagnstekjuskatts og skatthlutfall.

Vaxtatekjur af bankainnstæðum

Vextir af bankainnstæðum teljast til tekna á því ári sem þeir eru færðir til eignar í reikningi. Þetta leiðir til þess að afdreginn fjármagnstekjuskattur verður alltaf samkvæmt gildandi skatthlutfalli á því sama ári.

Vaxtatekjur af verðbréfum og öðrum kröfum

Fjármagnstekjur af verðbréfum og öðrum kröfum, þó ekki hlutdeildarskírteinum, teljast til skattskyldra tekna og eru staðgreiðsluskyldar á því ári sem þær eru greiddar eða greiðslukræfar. Ef um er að ræða verðbréf með föstum ákvörðuðum vaxtagreiðslum skal miða afdrátt fjármagnstekjuskatts við gildandi skatthlutfall þegar vextirnir féllu til jafnvel þótt greiðsla þeirra eigi sér stað síðar. Er þetta byggt á niðurstöðu yfirskattanefndar, m.a. í úrskurði nr. 586/2012 sem birtur er á vefsíðu nefndarinnar. Af þessum sökum þarf í slíkum tilvikum að sundurliða áfallna vexti á eftirfarandi hátt:

1.      Vextir sem féllu til á tímabilinu frá og með 1. janúar 1997 til og með 30. júní 2009 sem skattleggjast í 10% skattþrepi fjármagnstekjuskatts. Vaxtatekjur einstaklinga sem féllu til fyrir 1. janúar 1997 voru ekki skattskyldar og eiga því ekki að mynda skattstofn.

2.      Vextir sem féllu til á tímabilinu 1. júlí til og með 31. desember 2009 sem skattleggjast í 15% skattþrepi fjármagnstekjuskatts.

3.      Vextir sem féllu til á tímabilinu 1. til 31. desember 2010 sem skattleggjast í 18% skattþrepi fjármagnstekjuskatts.

4.      Vextir sem féllu til frá 1. janúar 2011 til 31. desember 2012 sem skattleggjast í 20% skattþrepi fjármagnstekjuskatts.

Hlutdeildarskírteini

Hugtakið hlutdeildarskírteini er skilgreint í lögum nr. 128/2011, um verðbréfasjóði, fjárfestingarsjóði og fagfjárfestasjóði, sem fjármálagerningur sem sé staðfesting á tilkalli allra þeirra sem eiga hlutdeild í sjóði um sameiginlega fjárfestingu eða einstakri deild hans til verðbréfaeignar sjóðsins. Eigendur hlutdeildarskírteina eiga rétt til tekna og eigna sjóðsins eða viðkomandi deildar í sama hlutfalli og nemur hlutdeild þeirra í heildarfjölda útgefinna hlutdeildarskírteina. Skírteinishafar eiga þannig hlutdeild í hagnaði sjóðsins eins og hann er á hverjum tíma. Hlutdeildarskírteini bera þannig ekki vexti í almennum skilningi heldur er ávöxtunin fólgin í hækkun á innlausnarverði þeirra á eignarhaldstíma en sú gengishækkun er talin til tekna sem vaxtatekjur. Gengishækkun bréfanna telst ekki til tekna fyrr en við innlausn og ber ætíð að miða skattlagningu og afdrátt staðgreiðslu fjármagnstekjuskatts við gildandi skatthlutfall á því tímamarki sem innlausn fer fram á, sbr. greindan úrskurð yfirskattanefndar sem varðaði m.a. fjármagnstekjur af hlutdeildarskírteinum. Ekki skiptir máli í þessu sambandi hver undirliggjandi verðmæti eru í hverjum sjóði fyrir sig.  

Dæmi um skattlagningu fjármagnstekna einstaklinga

Hér á eftir eru tekin nokkur dæmi um hvernig haga skuli skattlagningu fjármagnstekna af nokkrum tegundum verðbréfa með tilteknum eiginleikum. Séu eiginleikar bréfanna á einhvern hátt með öðrum hætti kann það að breyta niðurstöðunni. Dæmi þessi miðast við þær reglur sem gilda um einstaklinga utan rekstrar.

1.                  Kúlubréf án vaxtagjalddaga – kúlubréf með vaxtagjalddögum

Ef um er að ræða kúlubréf án vaxtagjalddaga eru höfuðstóll og vextir (fastir eða breytilegir) greiddir á einum gjalddaga í lokin en ef kúlubréf eru með vaxtagjalddögum eru vextir greiddir reglulega á líftíma bréfsins en höfuðstóll í einu lagi í lokin.

Við þessar aðstæður færast vextir til tekna á því ári sem þeir eru greiddir eða greiðslukræfir. Afdráttur staðgreiðslu á fjármagnstekjuskatti og álagning skattsins miðast við það skatthlutfall sem gildir á þeim tímabilum sem vextirnir falla til á, hvort sem um er að ræða greiðslu vaxta á líftíma bréfsins eða einungis í lokin (þrepaskipting).

Þegar um er að ræða bréf sem ganga kaupum og sölum á markaði er heimilt að ákvarða vaxtatekjur hvers tímabils fyrir sig sem mismun á gangverði bréfanna í upphafi og lok hvers tímabils fyrir sig.

2.                  Kúlubréf án vaxta

Þegar höfuðstóll er greiddur á einum gjalddaga í lokin og engir vextir eru af bréfinu myndast tekjur af mismun á kaupverði og söluverði/innlausnarverði þess. Við þessar aðstæður ber að skattleggja ávinninginn sem fjármagnstekjur á innlausnarári og miða skattlagningu við það skatthlutfall sem þá er í gildi, enda er ekki um að ræða vexti í almennum skilningi (ekki þrepaskipting).

3.                  Skuldabréf með vöxtum

Hér undir flokkast skuldabréf með ákvæðum um tiltekna vexti, fasta eða breytilega. Getur bæði verið um að ræða skuldabréf með jöfnum afborgunum og vöxtum sem greiddir eru með jöfnu millibili á líftíma bréfsins sem og skuldabréf með jöfnum greiðslum á líftíma bréfsins.

Við þessar aðstæður færast vextir til tekna á því ári sem þeir eru greiddir eða greiðslukræfir. Afdráttur staðgreiðslu á fjármagnstekjuskatti og álagning skattsins miðast við það skatthlutfall sem gildir á þeim tímabilum sem vextirnir falla til á (þrepaskipting).

Við útreikning á því hvaða fjármagnstekjur tilheyra hverju tímabili fyrir sig skal beita sömu aðferðum og viðhafðar eru um kúlubréf, sbr. lið eitt að framan.

4.                  Skuldabréf án vaxta

Ef ekki er kveðið á um tiltekna vexti í ákvæðum skuldabréfs ræðst ávöxtun þess af mismun á kaupverði og söluverði/innlausnarverði þess. Við þessar aðstæður ber að skattleggja ávinninginn sem fjármagnstekjur á sölu- eða innlausnarári sem mismun á kaup- og söluverði. Skattlagningu skal miða við það skatthlutfall sem þá er í gildi, enda er ekki um að ræða vexti í almennum skilningi (ekki þrepaskipting).

5.                  Víxlar

Í þessu tilviki er höfuðstóll greiddur á einum gjalddaga í lokin. Fjármagnstekjur myndast sem mismunur á kaupverði og nafnverði víxilsins (forvextir/afföll). Við þessar aðstæður ber að skattleggja tekjurnar þegar þær raungerast , þ.e. á því ári sem víxill er greiddur (ekki þrepaskipting).

6.                  Verðbréfasjóðir

Eign í verðbréfasjóði telst vera hlutdeildarskírteini og fer um skattlagningu fjármagnstekna af slíkri eign eins og að framan er rakið. Hækkun bréfanna telst til fjármagnstekna á innlausnarári og miðast skattlagning við gildandi skatthlutfall á því sama tímamarki, enda telst hún ekki áfallin fyrr og ekki um að ræða vexti í almennum skilningi (ekki þrepaskipting). Ekki skiptir máli hvaða verðmæti eru undirliggjandi í sjóðnum.

7.                  Hlutabréf

Um hlutabréf gilda sérstakar reglur og telst hækkun þeirra til söluhagnaðar en ekki vaxtatekna. Söluhagnaður telst til skattskyldra tekna á söluári bréfanna og miðast við það fjármagnstekjuskattshlutfall sem gildir á því tímamarki. 

8.                  Afleiður

Ávinningur af afleiðusamningum, hvert sem undirliggjandi verðmæti er, telst til skattskyldra vaxtatekna á innlausnarári. Skattlagning miðast við gildandi fjármagnstekjuskattshlutfall á því sama tímamarki (ekki þrepaskipting).

Ekki er óskað eftir upplýsingum vegna skattfrjálss séreignarsparnaðar til greiðslu á höfuðstól.

Fasteignalánum sem hafa breyst vegna höfuðstólslækkunarinnar er skipt í tvo hluta, frumhluta og leiðréttingarhluta. Frumhluta skal skila með sama hætti og öðrum fasteignalánum eins og þau standa eftir leiðréttingu (um síðustu áramót). Leiðréttingarhluta lánsins skal einnig skila og skal hann innihalda sömu grunnupplýsingar og frumhlutinn (upphafleg lánsfjárhæð, grunnvísitala o.s.frv.). Heildargreiðslur og  afborgun af nafnverði skulu innihalda þá  fjárhæð sem greidd  var inn á leiðréttingarhlutann. Eftirstöðvar skulu vera sú fjárhæð sem er ógreidd af leiðréttingarhlutanum.

Einungis þeim lánum sem ríkissjóður greiddi inn á fyrir áramót skal skila með þessum hætti.

Bætt hefur verið við tveim nýjum svæðum, HlutiLans og UpprunaAudkenniFyrra. Sjá lýsingu í kaflanum Fasteignalan.

Borist hafa ábendingar og athugasemdir frá fjármálastofnunum um það sem betur má fara í skilum framtalsgagna. Leitast hefur verið við að koma til móts við sem flest af því sem þar hefur komið fram og verður unnið að því áfram eftir því sem tími vinnst til. Helstu breytingar vegna skila ársins 2014 eru:

• Bætt hefur verið við ISIN númeri í kaflana VerdbrefOgKrofur og EydubladRSK315.
• Kominn er hlekkur í framtalsleiðbeiningar í inngangi leiðbeininganna.
• Gerðar hafa verið endurbætur í leiðbeiningum um fasteignalán til að gera þær skýrari.

Að gefnu tilefni þykir rétt að taka fram að óskað er eftir upplýsingum um einstaklinga, lögaðila auk erlendra aðila. Erlendir aðilar sem ekki hafa íslenska kennitölu skulu einnig vera með í skilunum. Undirkaflinn ErlendurAdili í kaflanum Vidskiptamadur tekur á þessu. Ef upplýsingar um kennitölu í heimalandi (TIN númer) liggja fyrir er áríðandi að hafa hana með.

Vegna breytinga á stofni til útreiknings vaxtabóta sem tók gildi 1.1. 2011 og kom til framkvæmda á framtali 2012 hefur verið settur inn á síðuna nýr kafli: Vaxtagjöld til útreiknings á vaxtabótum. Í þessum kafla er leitast við að svara algengustu spurningum sem upp komu við skil framtalsgagna 2012.

Kaflinn FasteignalanAfskrift er úreltur og kemur kaflinn Afskriftir í stað hans en í hann hefur verið bætt svæði vegna endurheimta afskrifta. Tekið verður við kaflanum FasteignalanAfskrift fyrst um sinn.

Frá og með framtalsári 2013 er bætt við nýju svæði í kaflana VerbrefOgKrofur og EydubladRSK315: TegundVerdbrefs. Einnig er óskað eftir upplýsingum um lotun (skattþrep fjármagnstekjuskatts) fyrir ákveðnar tegundir verðbréfa sem keypt voru fyrir 1.1.2011. Sjá nánar Lotun (þrepaskipting) vaxtatekna af verðbréfum.

Frá og með tekjuárinu 2011 eru einungis greiddir vextir notaðir við útreikning vaxtabóta, en ekki áfallnir vextir. Þetta hefur í för með sér breytingu í kafla Fasteignalan. Þar skal nú einungis tilgreina summur greiddra gjalddaga í svæðunum Heildargreidslur, AfborgunNafnverds og Vaxtagjold. Gjaldfallnar afborganir frá árinu 2010 og fyrr sem eru greiddar á árinu 2011 skulu ekki vera með í þessum fjárhæðum.

Í kaflann InnstaedurInnlendar hefur verið bætt við svæðunum Gengishagnadur og GengishagnadurStgr. Sjá nánar lýsingu á kaflanum InnstaedurInnlendar.

Við skil framtalsgagna vegna áritunar á framtal 2011 var eitthvað um að ekki var ljóst hvaðan upplýsingarnar komu. Í flestum köflum framtalsins eru einungis sýndar upplýsingar úr 60 stafa svæðinu Lysing auk fjárhæða. Ríkisskattstjóri hefur tekið þá stefnu að láta sendendur upplýsinga ákveða alfarið sjálfa hvað sett er í þessi svæði, en það verður þá að vera alveg skýrt hvaðan upplýsingarnar koma og hvað um er að ræða. Til dæmis segir textinn "Innlán" framteljandanum ekki neitt, en ef bankanúmer, höfuðbók og númer reiknings er sýnt, er þetta alveg skýrt.

Lögð er áhersla á að svæðið UpprunaAudkenni sé tilgreint í öllum köflum. Þetta svæði er einkvæm tilvísun sendanda og auðveldar afstemmingar og leiðréttingar. Svæðið er einnig notað til að tengja fasteignalán við framtal fyrra árs til þess að þau séu árituð í réttan kafla.