Gagnaskil, vefþjónusta

Hugbúnaðarframleiðendur geta nýtt sér prófunarumhverfi Skattsins við þróun skila úr tölvukerfum í gegnum vefþjónustu. Áður en hægt er að hefja prófanir þarf Skatturinn að úthluta kerfisheiti, í samráði við hugbúnaðarframleiðandann, sem auðkennir hlutaðeigandi hugbúnað. Venjulega þarf einnig að útbúa veflykil til notkunar í prófunarumhverfinu. Algengast er að hugbúnaðarframleiðendur noti sína eigin kennitölu í prófunum.
Slóðin á prófunarumhverfi vefþjónustunnar er https://vefurp.rsk.is/ws/Gagnaskil/GagnaskilService.svc

Þegar prófunum er lokið og kerfi hugbúnaðarframleiðanda tilbúið til notkunar í rekstri er kerfisheitið stofnað þar. Slóðin á Gagnaskilakerfið í rekstri er https://vefur.rsk.is/ws/Gagnaskil/GagnaskilService.svc

Dæmi um kall í vefþjónustu

string address = "https://vefurp.rsk.is/ws/Gagnaskil/GagnaskilService.svc" // Prófun
string address = "https://vefur.rsk.is/ws/Gagnaskil/GagnaskilService.svc" // Rekstur

using (Gagnaskil.GagnaskilServiceClient gs = new Gagnaskil.GagnaskilServiceClient("BasicHttpBinding_IGagnaskilService", address))
{
XmlDocument xmlDoc.Load(FileLoc);
Gagnaskil.StadfestaKlasi svar = new SendaXML.Gagnaskil.StadfestaKlasi();
svar = gs.Senda(xmlDoc.DocumentElement);
// Hér á eftir er athugað hvort sendingin hafi tekist og villu- og athugasemdalisti birtur
}

Aðgerðir

Hér er lýsing á þeim aðgerðum sem vefþjónustan býður upp á:

Uppbygging XML skjala

Á myndinni hér fyrir neðan má sjá myndrænt hvernig XML skjölin eru byggð upp. Heiti skjalsins er mismunandi eftir miðategundum og má finna í kafla hlutaðeigandi miðategundar.
Fremst í skjalinu kemur auðkenning sem samanstendur af kennitölu launagreiðanda/sendanda ásamt veflykli. Þá koma nokkrar stýribreytur sem segja til um hvað skal gera. Næsti kafli heitir Midi og hefur eigindina (attribute) id sem inniheldur hlaupandi númer fyrir miðana sem kaflinn inniheldur. Hverri tegund miða er lýst í sérstökum kafla. Að lokum kemur samtölukafli. Hér má finna dæmi um XML skjal.

Sameiginleg svæði

Hér er yfirlit yfir þau svæði sem er sameiginleg fyrir alla miða ásamt lýsingu á þeim prófunum sem fara fram til að sannreyna XML skjölin. Öll upphæðasvæði eru sannreynd með TegUpphaed: Svæðið verður að innihalda tölustafi og verður að vera 0 eða hærra.
Neðst í listanum hér að neðan kemur yfirkaflinn Midi ásamt eigindinni id. Fyrsta svæðið í þessum kafla er Kennitala sem er alltaf fyrsta stak kaflans. Önnur stök eru mismunandi eftir tegund miða.

Allir geta skilað launamiðum. Þeir innihalda upplýsingar um greiðslur launagreiðanda til launþega. Þeir eru einnig notaðir til að gera grein fyrir húsaleigugreiðslum, hlunnindum og fleiru. Reitir 210 og 220 eru nýir frá og með framtali 2012.
Heiti XML skjals: Launamidaskra. Sjá dæmi.
XML snið (schema).

Allir geta skilað verktakamiðum. Þeir innihalda einungis eitt atriði, verktakagreiðslur. Athugið að upphæðin er heildargreiðsla til verktaka með virðisaukaskatti.
Heiti XML skjals: Verktakamidi. Sjá dæmi.
XML snið (schema).

Þegar skilað er upplýsingum um verktakagreiðslur erlendra aðila sem ekki hafa íslenska kennitölu skal fylla út undirkaflann ErlendurAdili. Þá skal setja gildið 9999999999 í kennitölu.

Þeir sem eru á skilaskrá fjármagnstekjuskatts geta skilað fjármagnstekjumiða. Þessi miði er nýr vegna framtals 2012. Þeir aðilar sem hafa greitt fjármagnstekjur skulu skila þessum miða og tilgreina þar sundurliðun fyrir þá aðila sem hafa móttekið þær.
Heiti XML skjals: Fjarmagnstekjuskra. Sjá dæmi.
XML snið (schema).

Þegar skilað er upplýsingum um fjármagnstekjur erlendra aðila sem ekki hafa íslenska kennitölu skal fylla út undirkaflann ErlendurAdili. Þá skal setja gildið 9999999999 í kennitölu.

Einungis hlutafélög, einkahlutafélög og Evrópufélög geta skilað hlutafjármiðum.
Heiti XML skjals: Hlutafjarmidaskra. Sjá dæmi.
XML snið (schema).

Þegar skilað er upplýsingum um hlutafé erlendra aðila sem ekki hafa íslenska kennitölu skal fylla út undirkaflann ErlendurEigandi. Þá skal setja gildið 9999999999 í kennitölu.

Stofnfjármiðar eru einungis fyrir sparisjóði.
Heiti XML skjals: Stofnfjarmidaskra. Sjá dæmi.
XML snið (schema).

Stofnsjóðsmiðar samvinnufélaga (kaupfélaga). Frá og með tekjuárinu 2013 skulu sameignarfélög og samlagsfélag einnig skila þessum miða. Heiti XML skjals: Stofnsjodsmidaskra.
XML snið (schema).

Sérstök tegund er útfærð fyrir Atvinnuleysistryggingasjóð og deildir hans. Óþarft er að útfæra þessa tegund hjá öðrum aðilum. Einungis er tekið við gögnum af þessari tegund frá Atvinnuleysistryggingasjóði og deildum hans.
Heiti XML skjals: Atvinnuleysisbotaskra. Sjá dæmi.
XML snið (schema).

Þessi tegund er fyrir skil á gögnum sem einungis geta komið frá lífeyrissjóðum og koma ekki fram í launamiðategundinni. Einungis lífeyrissjóðir geta skilað lífeyrissjóðamiðum.
Heiti XML skjals: Lifeyrissjodaskra. Sjá dæmi.
XML snið (schema).

Þessi tegund er fyrir skil á gögnum sem einungis geta komið frá sveitarfélögum.
Heiti XML skjals: Sveitarfelagaskra. Sjá dæmi.
XML snið (schema).

Eingöngu lögaðilar á almannaheillaskrá geta skilað þessum upplýsingum. Um er að ræða upplýsingar um mótteknar gjafir/framlög til almannaheillafélagsins (kennitala greiðanda og fjárhæð gjafar/framlags), hvort heldur sem gefandinn er einstaklingur eða lögaðili.
Heiti XML skjals: Almannaheillaskra. Sjá dæmi.
XML snið (schema)

Þessi tegund er fyrir skil á bótagreiðslum frá tryggingafélögum og staðgreiðslu þeim tengdum.
Heiti XML skjals: Tryggingafelog. Sjá dæmi.
XML snið (schema).

Þessi gagnategund er einungis til nota fyrir Tryggingastofnun ríkisins.
Heiti XML skjals: TRMidaskra. Sjá dæmi.
XML snið (schema).

Þessi tegund er fyrir skil á upplýsingum um bifreiðahlunnindi vegna afnota starfsmanna á bifreiðum vinnuveitenda. Heiti XML skjals: Bifreidahlunnindaskra. Sjá dæmi.
XML snið (schema).
Bifreiðahlunnindamiðar eru öðruvísi uppbyggðir en venjulegir launamiðar vegna þess að þeir innihalda, auk fjárhæðar bifreiðahlunnindanna, upplýsingar um bifreiðina og hvers konar not starfsmaðurinn hefur af henni (takmörkuð, ótakmörkuð). Sameiginleg svæði eru þó þau sömu og í launamiðum.
Neðst í kaflanum er myndræn lýsing af uppbyggingu skjalsins.