Áhersluatriði í eftirliti ársreikningaskrár 2018
Eftirlit ársreikningaskrár á árinu 2019 vegna reikningsársins 2018 mun sérstaklega beinast að eftirfarandi þáttum:
- Framsetning ófjárhagslegra upplýsinga í reikningsskilum eininga tengdum almannahagsmunum og stórum samstæðum.
- Skyldunni til að láta endurskoða reikningsskil.
- Framsetning upplýsinga vegna eignarhalds á eigin hlutum.
Ársreikningaskrá hvetur forsvarsmenn félaga sem falla undir lög nr. 3/2006 um ársreikninga, endurskoðendur þeirra og eftir atvikum skoðunarmenn, til að kynna sér meðfylgjandi áhersluatriði í eftirliti ársreikningaskrár vegna reikningsársins 2018. Meðfylgjandi eru áhersluatriði ársreikningaskrár og leiðbeinandi reglur frá framkvæmdastjórn Evrópusambandsins um ófjárhagslega upplýsingagjöf.
