Breytingar og slit

Breytingar á skráningu hjá fyrirtækjaskrá, eins og breytingar á stjórn, framkvæmdastjóra eða heimilisfangi, þarf að tilkynna innan mánaðar frá því að ákvörðun var tekin, til dæmis á hluthafafundi eða stjórnarfundi.

Undantekningar frá þessum fresti eru til – t.d. má tilkynna hlutafjáraukningu allt að ári síðar, en hlutafjárlækkun þarf að tilkynna strax ef hún er vegna taps.


  • Tilkynningar má senda í tölvupósti á fyrirtaekjaskra@skatturinn.is

  • Ekki þarf að skila frumritum – skannað afrit dugar.

  • Mikilvægt er að greiðsla fylgi eða fylgi kvittun fyrir greiðslu.

Afgreiðslutími er yfirleitt 10–12 virkir dagar, ef öll gögn eru í lagi.

Slit einkahlutafélags

Hægt er að slíta skuldlausu einkahlutafélagi á einfaldan hátt með því að tilkynna það til fyrirtækjaskrár með yfirlýsingu um að hluthafar taki á sig ábyrgð á þeim kröfum sem upp kunna að koma.

Lesa meira

Breyting á skráningu ehf./hf.

Flestar breytingar á skráningarskyldum atriðum skal tilkynna innan mánaðar. Hér má finna upplýsingar um hvaða atriði hafa þarf í huga þegar breytingar eru tilkynntar til fyrirtækjaskrár

Lesa meira
Þessi síða notar vefkökur. Lesa meira Loka kökum