Auglýsingar
Álagningarskrá einstaklinga vegna tekjuársins 2021 lögð fram
Álagningarskrá vegna álagningar á einstaklinga á árinu 2022 vegna tekjuársins 2021 er til sýnis frá 17. ágúst til 31. ágúst að báðum dögum meðtöldum.
Skrá yfir álagða skatta á tekjur einstaklinga er til sýnis á almennum starfsstöðvum Skattsins utan Reykjavíkur en í Reykjavík í Tollhúsinu, Tryggvagötu 19.
Óheimilt er að eiga við skrána, taka afrit með rafrænum hætti eða ljós- eða hreyfimyndir.
Vinsamlegast gætið að persónulegum sóttvörnum við skoðun skrárinnar og notið handspritt.
