Auglýsingar
Auglýsing ríkisskattstjóra um álagningu opinberra gjalda á einstaklinga árið 2020
Álagningu opinberra gjalda á árinu 2020 er lokið á þá einstaklinga, sem skattskyldir eru samkvæmt I. kafla laga nr. 90/2003, um tekjuskatt.
Álagningar- og innheimtuseðlar eru aðgengilegir á þjónustuvef ríkisskattstjóra; www.rsk.is og www.skattur.is.
Kærufresti vegna álagningar þeirra skatta og gjalda, sem álagning þessi tekur til, lýkur mánudaginn 31. ágúst 2020.
Með vísan til ákvæðis til bráðabirgða LXVI með lögum nr. 37/2020 verður álagningarskrá einstaklinga ekki lögð fram á árinu 2020. Framlagning skattskrár í janúar 2021 vegna álagningar á tekjur einstaklinga á árinu 2019 verður auglýst síðar.
Auglýsing þessi er birt, skv. 98. gr. ofangreindra laga með síðari breytingum.
Reykjavík 29. maí 2020
Snorri Olsen
ríkisskattstjóri
