Auglýsing ríkisskattstjóra nr. 3/2014
Álagningu tekjuskatts 2014 á lögaðila sem skattskyldir eru samkvæmt I. kafla, sbr. og 4. mgr. 71. gr., sem og álagningu annarra opinberra gjalda lögaðila sem lögð skulu á vegna tekjuársins 2013 skv. VIII.-XIV. kafla laga nr. 90/2003, um tekjuskatt, er lokið.
Álagningarseðlar eru nú aðgengilegir á þjónustuvef ríkisskattstjóra á www.rsk.is og http://www.skattur.is/.
Álagningarskrár fyrir hvert sveitarfélag liggja frammi á viðkomandi starfsstöðvum ríkisskattstjóra eða sérstaklega auglýstum stöðum dagana 31. október til 14. nóvember 2014 að báðum dögum meðtöldum.
Kærufresti vegna álagningar þeirra skatta og gjalda, sem álagning þessi tekur til, lýkur mánudaginn 1. desember 2014.
Auglýsing þessi er birt, sbr. 98. gr. framangreindra laga.
31. október 2014
Skúli Eggert Þórðarson
ríkisskattstjóri
