Auglýsing skattstjóra 30. júlí
Auglýsing um álagningu opinberra gjalda á einstaklinga árið 2009
Í samræmi við 1. mgr. 98. gr. laga nr. 90/2003, um tekjuskatt, er hér með auglýst að álagningu opinberra gjalda og ákvörðun vaxtabóta og barnabóta, á árinu 2009 er lokið á einstaklinga, sem skattskyldir eru samkvæmt I. kafla framangreindra laga.
Álagning gjalda á lögaðila mun liggja fyrir síðar og verður auglýst sérstaklega.
Álagningarskrár verða lagðar fram í öllum skattumdæmum fimmtudaginn 30. júlí 2009. Skrárnar liggja frammi til sýnis dagana 30. júlí til 13. ágúst 2009 (að báðum dögum meðtöldum) á skattstofu hvers skattumdæmis, hjá umboðsmanni skattstjóra eða á öðrum þeim stöðum í hverju sveitarfélagi sem sérstaklega hafa verið auglýstir.
Álagningarseðlar er sýna álögð opinber gjöld 2009, þ.m.t. tryggingagjald, vaxtabætur og barnabætur hafa verið póstlagðir og/eða birtir á þjónustusíðu viðkomandi einstaklings á vef skattstjóra; skattur.is.
Kærur vegna allra álagðra opinberra gjalda, sem tilkynnt hefur verið um með álagningarseðli 2009, þurfa að hafa borist skattstjóra eigi síðar en mánudaginn 31. ágúst n.k.
30. júlí 2009Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Rósa Helga Ingólfsdóttir.
Skattstjórinn í Norðurlandsumdæmi vestra, Hanna Björnsdóttir.
Skattstjórinn í Norðurlandsumdæmi eystra, Gunnar Karlsson.
Skattstjórinn í Austurlandsumdæmi, Karl S. Lauritzson.
Skattstjórinn í Suðurlandsumdæmi, Steinþór Haraldsson.
Skattstjórinn í Vestmannaeyjum, Ingi T. Björnsson.
Skattstjórinn í Reykjanesumdæmi, Sigmundur Stefánsson.