Frestur til að skila ársreikningi rennur út 31. ágúst nk.
Skilafrestur ársreikninga til opinberrar birtingar hjá ársreikningaskrá er til 31. ágúst. Sérstök athygli er vakin á að sé ársreikningi ekki skilað tímanlega verður félagið sektað. Ársreikningum skal skilað með rafrænum hætti í gegnum þjónustuvef Skattsins.
Er búið að skila inn fyrir mitt fyrirtæki?
Athugið hvort ársreikningi hafi verið skilað
Opinber birting
Ársreikningi ber að skila mánuði eftir að reikningurinn var samþykktur á aðalfundi félags, þó eigi síðar en átta mánuðum eftir lok reikningsárs.
Senda skal inn til opinberrar birtingar þann ársreikning sem staðfestur var á aðalfundi viðkomandi félags. Ársreikningur sem sendur er til opinberrar birtingar skal vera óbreyttur þeim sem samþykktur var á aðalfundi.
Hnappurinn
Örfélög geta nýtt sér Hnappinn og látið Skattinn útbúa ársreikning félagsins hafi skattframtali verið skilað inn. Ekki er heimilt að staðfesta hefðbundinn ársreikning á aðalfundi en senda svo inn hnappsreikning í stað þess sem samþykktur var á aðalfundi.
Rekstur liggur niðri
Ársreikningi skal skila inn árlega óháð því
hvort félag er í rekstri eða ekki.
Sekt vegna vanskila
Sekt vegna vanskila nemur 600.000 krónum. Mögulegt er að lækka sekt umtalsvert með því að skila ársreikningi inn sem fyrst.
Enginn pappír
Öll félög sem falla undir gildissvið ársreikningalaga þurfa að skila ársreikningi með rafrænum hætti í gegnum þjónustuvef Skattsins. Ekki er lengur tekið við ársreikningum á pappír.
