Upplýsingar og vottorð úr fyrirtækjaskrá
Nálgast má upplýsingar um skráð félög í fyrirtækjaskrá með uppflettingu á vefnum.
Gjaldfrjálsar upplýsingar
Grunnupplýsingar birtast á síðunni en hægt er að nálgast ítarlegri upplýsingar, svosem stjórn, prókúru og fleira með því að sækja gjaldfrjálst yfirlit í gegnum vefverslun. Yfirlitið er bæði á íslensku og ensku.
Vottorð á íslensku
Mögulegt er að kaupa staðfest skráningarvottorð fyrirtækis í gegnum vefverslun. Sé fyrirtæki slegið upp í leitarvél fyrirtækjaskrár birtist hnappur þar sem kaupa má vottorð. Á því koma fram nánari upplýsingar um félögin, svo sem stjórn, prókúruhafar og fleira.
Vottorðið kostar 1.500 kr. og er greitt með greiðslukorti. Vottorð í vefverslun er eingöngu hægt að fá á íslensku.
Vottorð á ensku
Staðfest skráningarvottorð á ensku kostar 1.500 kr. og hægt er senda beiðni um vottorðið á netfangið fyrirtaekjaskra@skatturinn.is. Við móttöku er krafa stofnuð í heimabanka á kennitölu greiðanda sem tilgreindur er í beiðni. Beiðni er afgreidd þegar krafa hefur verið greidd.
Nánari upplýsingar
Almennum fyrirspurnum er svarað í síma 442 1250 eða í tölvupósti, netfang fyrirtækjaskrár er fyrirtaekjaskra@skatturinn.is
Beiðni um önnur gögn úr fyrirtækjaskrá má senda á netfang fyrirtækjaskrár.
