Virkar eyðublaðið ekki í tölvunni þinni?
Hægrismelltu á tengilinn sæktu eyðublaðið og opnaðu síðan með Adobe Reader:
Vistaðu eyðublaðið á disk með því að hægrismella á tengil sem vísar á eyðublaðið (ctrl smella á mac), veldu "save target as" eða "save link as" (eftir því hvaða vafra þú notar) og vistaðu eyðublaðið á tölvuna þína t.d. á desktop.
- Opnaðu Adobe Reader forritið og veldu síðan File - Open og opnaðu eyðublaðið sem þú varst búinn að vista á diskinn.
Hægt er að sækja forritið frítt á slóðinni: http://get.adobe.com/reader/
Sjá einnig leiðbeiningar fyrir eyðublöð með "Senda" hnapp .
Stillingar á tölvum og vöfrum
- Hægt er að stilla flesta nýjustu vafrana þannig að þeir opni pdf skjöl sjálfkrafa í Adobe Reader í stað þess að nota innbyggðan pdf lesara.
- Ef vafrinn er stilltur þannig opnast eyðublaðið sjálfkrafa í Acrobat Reader þegar smellt er á tengil á vefnum.
- Hægt er að stilla tölvur þannig að þær noti Acrobat Reader sjálfgefið til að opna pdf skjöl.
- Ef tölvan er stillt þannig opnast pdf skjöl sem vistuð hafa verið á disk tölvunnar í Acrobat Reader þegar tvísmellt er á þau.
Ef reynt er að opna gagnvirk eyðublöð (dynamic pdf) með einhverjum öðrum lesara kemur upp skjámynd svipað og hér að neðan eða skjölin opnast en ekki er hægt að fylla þau út vista o.s.frv.:
Nánar um eyðublöðin
Flest útfyllanleg pdf eyðublöð á þessum vef eru hönnuð til notkunar með Adobe Reader.
- Skjölin eru hönnuð með Adobe Livecycle Designer og innihalda form jafnframt eru sum eyðublöðin gagnvirk (Dynamic pdf Forms).
- Á markaðnum er aragrúi annarra pdf lesara en flestir þeirra (eða allir) geta ekki unnið með þessi skjöl.
- Ef skjölin eru opnuð í einhverju öðru forriti virka þau ekki eins og til er ætlast (nákvæmlega eins og ef word eða excel skjöl eru opnuð í einhverjum öðrum forritum).
- Adobe Reader fyrir snjallsíma og spjaldtölvur styður ekki þessi eyðublöð að fullu.
Til skamms tíma notuðu flestir vafrar Adobe Reader viðbót (plugin) til að birta og vinna með pdf skjöl en eru nú hættir að styðja þessa virkni. Undantekningar eru Internet Explorer og Firefox, en í báðum þessum vöfrum er hægt að setja upp Adobe Reader plugin (þó ekki 64 bita windows útgáfunni af Firefox).
Af þessum ástæðum verður að nota Adobe Reader, forritið til að fylla út eyðublöðin.
