Úrskurður yfirskattanefndar nr. 41/2007
Skattaðili: X ehf.
Verknaðarlýsing: A og X ehf. var gefið að sök að hafa brotið gegn lögum nr. 45/1987, um staðgreiðslu opinberra gjalda, með áorðnum breytingum, og lögum nr. 50/1988, um virðisaukaskatt, með áorðnum breytingum, framin vegna rekstraráranna 2003, 2004 og 2005. B var gefið að sök að hafa brotið gegn lögum nr. 45/1987, um staðgreiðslu opinberra gjalda, með áorðnum breytingum, og lögum nr. 50/1988, um virðisaukaskatt, með áorðnum breytingum, framin vegna tekjuársins 2005.
Þess var krafist að yfirskattanefnd tæki málið til sektarmeðferðar. Með bréfi lýsti umboðsmaður gjaldanda B því yfir að gjaldandi vildi ekki hlíta því að yfirskattanefnd afgreiddi mál hans. Engar athugasemdir bárust hins vegar frá gjaldanda A og gjaldanda X ehf.
Niðurstaða: Málsúrslit varðandi gjaldanda A og gjaldanda X ehf. þóttu ráðast að verulegu leyti af niðurstöðu gagnvart gjaldanda B. Vegna þessa og afstöðu gjaldanda B þótti óhjákvæmilegt að vísa málinu í heild sinni frá og endursenda það skattrannsóknarstjóra ríkisins.
