2008

A, sem stjórnarmanni og framkvæmdastjóra X ehf., var gefið að sök að hafa vanrækt að standa skattstjóra Norðurlandsumdæmis eystra á lögmæltum tíma skil á skattframtali og fylgigögnum þess fyrir hönd X ehf., vegna álagningar opinberra gjalda gjaldárið 2005.

A var gefið að sök að hafa vanrækt að standa innheimtumanni ríkissjóðs skil á virðisaukaskatti á lögmæltum tíma vegna uppgjörstímabilanna janúar-febrúar rekstrarárið 2003 til og með nóvember-desember rekstrarárið 2004.

A var gefið að sök að hafa staðið skil á efnislega röngum skattframtölum til skattstjórans í Reykjavík vegna álagningar opinberra gjalda gjaldárin 2003, 2004 og 2005, vegna tekjuáranna 2002, 2003 og 2004.

A, sem stjórnarformanni og daglegum stjórnanda með prókúruumboð X ehf., var gefið að sök að hafa vanrækt að standa skattstjóranum í Reykjanesumdæmi skil á virðisaukaskattsskýrslum á lögmæltum tíma vegna uppgjörstímabilanna maí-júní til og með nóvember-desember rekstrarárið 2006.

A var gefið að sök að hafa vanrækt að standa skattstjóranum í Reykjanesumdæmi og skattstjóranum í Reykjavík skil á virðisaukaskattsskýrslum vegna virðisaukaskattsskyldrar starfsemi sinnar vegna allra uppgjörstímabila rekstrarárin 2004, 2005 og 2006.

A var gefið að sök að hafa vanrækt að standa skattstjóranum í Reykjanesumdæmi skil á skattframtölum og fylgigögnum þeirra vegna álagningar opinberra gjalda gjaldárin 2006 og 2007, vegna rekstraráranna 2005 og 2006 og með því vanrækt að gera grein fyrir rekstrartekjum samtals kr. 6.570.780, sem til voru komnar vegna starfa A við þjónustu tölvu- og rafkerfa.

A, sem stjórnarmanni og prókúruhafa X ehf., og B, sem daglegum stjórnanda X ehf., var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna X ehf., vegna greiðslutímabilanna janúar til og með desember rekstrarárið 2006 og febrúar og mars rekstrarárið 2007.

A var gefið að sök að hafa vanrækt að standa innheimtumanni ríkissjóðs skil á afdreginni staðgreiðslu opinberra gjalda launamanna í sjálfstæðri starfsemi hans, vegna greiðslutímabilanna september til og með desember rekstrarárið 2001 og janúar rekstrarárið 2004. 

Með bréfi, dags. 1. febrúar 2008, hefur skattrannsóknarstjóri ríkisins krafist þess að yfirskattanefnd taki til sektarmeðferðar mál A, kt. [...], fyrir brot á lögum nr. 90/2003, um tekjuskatt, lögum nr. 4/1995, um tekjustofna sveitarfélaga og lögum nr. 50/1988, um virðisaukaskatt, öll með áorðnum breytingum, framin vegna rekstraráranna 2002, 2003 og 2004.

Með bréfi, dags. 30. janúar 2008, hefur skattrannsóknarstjóri ríkisins krafist þess að yfirskattanefnd taki til sektarmeðferðar mál A, kt. [...], fyrir brot á lögum nr. 90/2003, um tekjuskatt, lögum nr. 4/1995, um tekjustofna sveitarfélaga og lögum nr. 50/1988, um virðisaukaskatt, allra með áorðnum breytingum, framin vegna rekstrarársins 2003.