Lánsveðsvaxtabætur
Einstaklingar sem festu kaup á íbúðarhúsnæði eða hófu byggingu á árunum 2004 – 2008 og tóku jafnframt lán með veði í fasteign annars einstaklings eiga rétt á sérstökum vaxtabótum – lánsveðsvaxtabótum.
Skilyrði fyrir ákvörðun lánsveðsvaxtabóta eru þessi:
- Íbúðarhúsnæði hafi verið keypt eða byggt til eigin nota og lán tekin því til öflunar á tímabilinu frá 1. janúar 2004 til 31. desember 2008
- Lán hafi verið tekið með veði í fasteign í eigu annars einstaklings
- Íbúðin hafi verið í eigu umsækjanda í ársbyrjun 2009
- Eftirstöðvar fasteignaveðlána vegna þess íbúðarhúsnæðis, sem fengin voru með lánsveði, hafi samtals verið hærri en 110% af fasteignamati eignarinnar á söludegi eða í árslok 2010
- Höfuðstóll veðlána hafi ekki verið lækkaður fyrir 9. apríl 2013
Umsóknir berist ríkisskattstjóra í síðasta lagi 15. september 2013 á eyðublaðinu RSK 3.28. Ákvörðun lánsveðsvaxtabóta fer fram svo fljótt sem unnt er, þó eigi síðar en 17. mars 2014.
