Leiðréttir tollskrárlyklar vegna skilagjalda
Vegna villu í skráningu uppfærðust skilagjöld á einnota drykkjarvöruumbúðir ekki í tollakerfi um áramót.
Um er að ræða gjöldin GB, GC, GD, GE, GF, GG og GH
Þessi gjöld hækkuðu sbr. XVII Kafla Laga um breytingu á ýmsum lögum vegna fjárlaga fyrir árið 2025.
Gjöldin hafa þegar verið leiðrétt í tollakerfi og rétt gjöld eru lögð á við innflutning á vörum sem bera þessi gjöld.
Röng gjöld voru lögð á við innflutning vara fyrstu daga ársins. Innflytjendur sem málið varðar munu fá sent bréf um fyrirhugaða endurákvörðun gjalda. Skýrslur sem of lág gjöld voru lögð á verða bakfærðar og endurreiknaðar. Rétt gjöld verða því skuldfærð inn á tollkrít viðkomandi aðila.
Uppfærð skrá tollskrárlykla með gildisdagsetningu 01.01.2025 og upplýsingum um rétta fjárhæð þessara gjalda eru aðgengileg á þessari síðu https://www.skatturinn.is/tollskrarlyklar/
Tollskrárlyklar útflutnings breytast ekki.
