Leiðréttar villur í viðmiðunartöflu vegna þyngdar sölu og flutningsumbúða og krafa um útfyllingu reits 39 þegar undanþága vegna tollkvóta er nýtt
- Nokkrar minniháttar villur hafa verið lagfærðar í JSON og Excel útgáfum viðmiðunartöflu vegna þyngdar sölu- og flutningsumbúða
Taflan gildir eftir sem áður frá 01.03.2023 enda þarf lagabreytingu til. Eingöngu var verið að lagfæra skráningarvillur.
Hugbúnaðarhús sem nýta þessa töflu í kerfum viðskiptavina sinna þurfa að uppfæra hana hjá þeim.
Uppfærð skjöl eru aðgengileg á https://www.skatturinn.is/tollskrarlyklar undir „Viðmiðunartafla vegna þyngdar sölu- og flutningsumbúða - gildir frá 01.03.2023“
- Frá og með 1. júlí 2023 verður þess krafist að skrá úthlutunarnúmer vegna tollkvóta í reit 39 á tollskýrslu sé það ekki gert stöðvast skýrslan með villu:
Úthlutunarnúmer sett í reit 39 á SAD innflutningsskýrslu
Nú óskar innflytjandi eftir undanþágu frá tollum á grundvelli tollkvótaúthlutunar sem byggð er á fyrrnefndum tollkvótareglugerðum eða tollkvótaúthlutunum, sem síðar fara fram. Þá ber að setja úthlutunarnúmer Matvælaráðuneytisins í reit númer 39 á SAD innflutningsskýrslunni.
Jafnframt á áfram að setja undanþágubeiðnina UND TKV01 í reit 44 á SAD innflutningsskýrslunni (óbreytt frá því sem verið hefur).
Hafið samband í ut@skatturinn.is ef nánari upplýsinga er þörf.