Tilkynningar til hugbúnaðarhúsa
Tveir kynningarfundir fyrir hugbúnaðarhús
Fundirnir eru ætlaðir hugbúnaðarhúsum sem smíða eða selja hugbúnað sem sendir tollskýrslur til Skattsins með EDI samskiptum. Fundirnir fara fram í gegnum Teams.
Fundarboð hafa verið send. Hægt er að hafa samband við ut@skatturinn.is hafi fundarboð ekki borist.
Framhaldsfundur af kynningu sem haldin var í desember 2022
Dagsetning: 17. janúar 2023
Klukkan: 13:15
Farið verður yfir helstu breytingar sem taka gildi 1. mars 2023 varðandi hringrásarhagkerfi og hafa áhrif á skeytasendingar á tollskýrslum til skattsins.
- Breytingarnar áttu að taka gildi um áramót en var frestað til 1. mars 2023 og munu taka gildi þá.
- SAD skeytið breytist - hugbúnaðarhús þurfa að gera breytingar á kerfum til að hægt sé að senda nauðsynlegar upplýsingar úr þeim.
- Ekki verður hægt að tollafgreiða skýrslur þar sem þessar upplýsingar vantar eftir 1. mars.
Nánari upplýsingar um breytingar SAD innflutningsskýrslu vegna sölu- og flutningsumbúða
Hvernig á að skrá í SAD innflutningsskýrslu úthlutaða tollkvóta, sem Matvælaráðuneytið hefur úthlutað
Dagsetning: 19. janúar 2023
Klukkan: 13:15
- Hugbúnaðarhús munu þurfa að breyta kerfum og SAD skeytið mun breytast.
- Nauðsynlegt er að uppfæra kerfi sem notuð eru til að tollafgreiða fyrir innflytjendur sem nýta tollkvóta vegna landbúnaðarafurða sem Matvælaráðuneytið úthlutar.
- Upplýsingar um úthlutaða tollkvóta eru skráðar í tollakerfi skattsins.
- Tollakerfið heldur utan um úttektir og eftirstöðvar úthlutaðra tollkvóta, sem gilda frá og með 01.01.2023.
- Í samvinnu við Matvælaráðuneytið er unnið að tengingu milli tollakerfis og tollkvoti.is.
- Fjallað verður nánar um viðbætur vegna reita 39 og 44 á SAD-innflutningsskýrslu á kynningunni.
- Æskilegt er að hugbúnaðarhús útfæri þessa breytingu sem fyrst.