Nýir reitir í gagnaskilum 2024
Einn nýr reitur er í skilum launaupplýsinga (launamiða) 2024, vegna tekna 2023. Reitur 149, Frádráttur á móti náms, rannsóknar- og vísindastyrk. Reiturinn er eingöngu opinn þeim sem hafa sótt sérstaklega um að skila þessum upplýsingum til Skattsins.
Fjárhæðin í launamiðareit 149 er árituð á framtal á móti launamiðareit 009, Styrkir til náms, rannsóknar- og vísindastarfa. Fjárhæð í reit 149 má ekki vera hærri en fjárhæð í reit 009.
Reitur 145 er nýr á lífeyrissjóðsmiða, lífeyrisgreiðslur úr sérstökum séreignarsjóðum. Eingöngu lífeyrissjóðir skila þessum miða. Þessi reitur er vegna lífeyrisgreiðslu (útborgunar séreignar) úr séreignarsjóði sem ekki er myndaður með hefðbundnu leiðinni (4% og 2%), t.d. sem myndast hefur af „tilgreindri séreign“ eða séreignin hefur myndast af hluta almenns framlags (15,5%) í sjóðinn.
Á stofnsjóðsmiða hefur verið bætt við reit 14, staðgreiðsla af arði af stofnsjóðseign. Skilyrði er að fjárhæð í reit 14 sé ekki hærri en 22% af reit 13, Greiddur arður af viðskiptum.
Skemalýsingar
Launamiði
| Reitur | Heiti reits | XML heiti | Kafli/reitur á framtali |
|---|---|---|---|
| 149 | Frádráttur á móti náms-, rannsóknar- og vísindastyrk | Fradrattur_Styrkur | Færist í reit 149 í kafla 2.6 á framtali |
Stofnsjóðsmiði
| Reitur | Heiti reits | XML heiti | Kafli/reitur á framtali |
|---|---|---|---|
| 14 | Staðgreiðsla af arði af stofnsjóðseign | Stagr_stofnsjodseign | Kafli 3.3 |
Lífeyrissjóðamiði
| Reitur | Heiti reits | XML heiti | Kafli/reitur á framtali |
|---|---|---|---|
| 145 | Lífeyrisgreiðslur úr sérstökum séreignarsjóðum | Lifeyrisgr_SerstSereign | Kafli 2.3, reitur 145 |
