Afgreiðslur RSK lokaðar vegna verkfalls
Ríkisskattstjóri vekur athygli á að vegna verkfalls SFR verða afgreiðslur embættisins á höfuðborgarsvæðinu, Akranesi, Ísafirði, Siglufirði, Akureyri, Egilsstöðum, Vestmannaeyjum og Hellu lokaðar frá og með 15. október og þar til verkfalli lýkur.
Tafir geta orðið á afgreiðslu erinda og reikna má með að skattbreytingar, þ.m.t. á vaxta- og barnabótum, muni frestast. Skráning hlutafélaga, aðrar tilkynningar o.fl. verða ekki afgreiddar. Almennur tölvupóstur verður móttekinn en afgreiðsla hans getur frestast.
Vakin er athygli á að þjónustuver RSK í síma 442 1000 er opið en auk þess eru gagnlegar upplýsingar á vefsíðunni rsk.is og sjálfsafgreiðsla viðskiptavina er opin á skattur.is
