Fréttir og tilkynningar: 2017

Nýjasta tölublaðið er hægt að skoða á www.tiund.is ásamt eldri blöðum.

Fjármála- og efnahagsráðuneytið hefur gefið út tilkynningu með upplýsingum um staðgreiðslu 2018 sem gildir frá og með 1. janúar 2018.

Umsóknarfrestur vegna ráðstöfunar séreignarsparnaðar til kaupa á fyrstu íbúð þegar íbúð var keypt fyrir 1. júlí 2017 rennur út um áramót.

Þann 8. desember sl. var ný rafræn fyrirtækjaskrá ríkisskattstjóra opnuð formlega af Þórdísi Kolbrúnu R. Gylfadóttur, ferðamála-, iðnaðar- og nýsköpunarráðherra. 

Undirbúningur og kerfisbreytingar er tengjast því að taka í notkun nýja tollskýrslu hafa tekið lengri tíma en áætlað var.

Tollverðir í Flugstöð Leifs Eiríkssonar stöðvuðu í nóvember erlendan karlmann sem reyndist vera með umtalsvert magn af kókaíni innan klæða.

Ríkisskattstjóri, Lögreglan á höfuðborgarsvæðinu, Lögreglan á Suðurnesjum, Útlendingastofnun og Vinnumálastofnun voru sameiginlega með sérstakt átak gegn ólöglegri atvinnustarfsemi.

Ríkisskattstjóri hefur undanfarið unnið að gerð rafrænnar fyrirtækjaskrár fyrir nýskráningu félaga og breytingar á skráningu þeirra. 

Tollverðir í Flugstöð Leifs Eiríkssonar tóku fjóra komufarþega um síðustu helgi, sem allir voru með umtalsvert magn af lyfseðilsskyldum lyfjum í fórum sínum.

Amfetamínvökvinn sem tollverðir fundu í Norrænu í byrjun síðasta mánaðar, eins og fram hefur komið í fjölmiðlum, var falinn í 23 hálfs líters plastflöskum í bensíntanki bifreiðar sem tveir pólskir karlmenn komu með til landsins. 

Að gefnu tilefni vill ríkisskattstjóri árétta að öllum bókhaldsskyldum aðilum ber að færa bókhald og haga færslum, bókhaldsbókum og reikningaskipan í samræmi við bókhaldslög.

Ríkisskattstjóri hefur lokið álagningu opinberra gjalda 2017 á lögaðila og liggja nú fyrir niðurstöður hennar.

Sjá nánar auglýsingu ríkisskattstjóra um álagningu lögaðila 2017 undir fagaðilar > auglýsingar.

Skýringar á álögðum gjöldum lögaðila 2017.

Með úrskurði, dags. 16. október 2017, staðfesti Persónuvernd að vinnsla ríkisskattstjóra á persónuupplýsingum um kvartanda hafi samrýmst lögum nr. 77/2000.

Með ályktun alþingis frá 6. apríl 2017 var ríkisstjórninni veitt heimild til þess að fullgilda fyrir Íslands hönd fríverslunarsamning milli aðildarríkja Fríverslunarsamtaka Evrópu (Íslands, Liechtenstein, Noregs og Sviss) annars vegar og Georgíu hins vegar.

Félögum sem ekki hafa staðið skil á ársreikningi eða samstæðureikningi 2016 í síðasta lagi 2. október 2017 verður ákvörðuð sekt án frekari viðvörunar.

Ríkisskattstjóri, Lögreglan á höfuðborgarsvæðinu, Lögreglan á Suðurnesjum, Útlendingastofnun og Vinnumálastofnun eru nú með átak gegn ólöglegri atvinnustarfsemi.

Tollverðir hafa stöðvað 199 sendingar, sem innihéldu svefnlyfið melatonin, í tollpósti það sem af er þessu ári. Þar af bárust 88 sendingar á tímabilinu júní - ágúst sl. 

Lokafrestur til að skila ársreikningum til ársreikningaskrár RSK rennur út 20. september 2017

Tollstjóri vill vekja athygli á nýrri reglugerð um söfnun, endurvinnslu og skilagjald á einnota drykkjarvöruumbúðir, nr. 750/2017. Í reglugerðinni eru gerðar litlar breytingar á gjaldinu.

Tollverðir í Flugstöð Leifs Eiríkssonar lögðu nýverið hald á tugi þúsunda sterkra verkjataflna sem flugfarþegi hugðist smygla inn í landið.

Á fundi Norræna tollasamvinnuráðsis (NTR) sem nú stendur yfir í Noregi skrifuðu tollstjórar Íslands, Grænlands og Færeyja undir viljayfirlýsingu um gagnkvæma stjórnsýsluaðstoð í tollamálum.

Frestur til að skila ársreikningi til ársreikningaskrár vegna reikningsársins 2016 rennur út 31. ágúst næstkomandi. 

Tollverðir í Flugstöð Leifs Eiríkssonar haldlögðu fyrr í þessum mánuði 78 karton af sígarettum sem karlmaður á þrítugsaldri var með í farangri sínum. 

Nú geta þau félög sem falla undir skilgreiningu á örfélagi útbúið ársreikning út frá innsendu skattframtali og sent til ársreikningaskrár ríkisskattstjóra.

Eyðublaðið TS-E20 hefur verið uppfært og heiti þess jafnframt verið breytt. Eyðublaðið var áður kallað "Umsókn um endurgreiðslu tolla og annarra gjalda" en nú "Umsókn um endurgreiðslu aðflutningsgjalda".

Ríkisskattstjóri hefur lokið álagningu opinberra gjalda á einstaklinga 2017.

Auglýsing um álagningu opinberra gjalda á einstaklinga 2017.

Álagningarseðlar vegna álagningar þing- og sveitarsjóðsgjalda eru nú aðgengilegir á þjónustuvef ríkisskattstjóra. Inneignir (vaxta- og barnabætur, ofgreidd staðgreiðsla) eru greiddar inn á bankareikninga 30. júní 2017.

Upplýsingar um álögð gjöld 2017, sjá bæklinginn RSK 12.02 fyrir árið 2017.

Tollstjóri vill vekja athygli á nokkrum laga- og reglugerðarbreytingum sem Alþingi hefur afgreitt á undanförnum mánuði.

Ársskýrsla ríkisskattstjóra fyrir árið 2016 hefur nú verið birt á vef embættisins. Farið er yfir starfsemina á árinu sem leið og ýmsar tölulegar upplýsingar birtar.

Allt frá 1. júlí 2014 hefur þeim sem greiða í séreignarsjóð staðið til boða að ráðstafa greiðslum sínum beint inn á lán vegna íbúðarhúsnæðis til eigin nota.

Árvekni tollvarða í Flugstöð Leifs Eiríkssonar varð til þess að upp komst um þjófnað á varningi úr Pure Food Hall versluninni að andvirði tæplega 100 þúsund krónur nýverið. 

Karlmaður sem tollverðir stöðvuðu nýverið við hefðbundið eftirlit í Flugstöð Leifs Eiríkssonar reyndist hafa í farangri sínum kökur og sælgæti (hlaup) sem hvoru tveggja innihéldu kannabisefni.

Könnun á ríkisstofnun ársins er nú gerð í tólfta sinn og varð ríkisskattstjóri í 2. sæti, af 86 stofnunum, í flokki stofnana með fleiri en 50 starfsmenn. Í fyrsta sæti varð Reykjalundur.

Tollverðir í Flugstöð Leifs Eiríkssonar stöðvuðu nýverið við hefðbundið eftirlit ferðalang sem var að koma frá Barcelona. Hann var ekki einn á ferð þótt svo hefði mátt ætla því í farangri hans fundust fimm sprelllifandi eðlur.

Tæplega 10 þúsund tonn af ólöglegum matvælum, rúmar 26.4 milljónir lítra af ólöglegum drykkjarvörum og 13 milljónir eininga af annarri ólöglegri framleiðslu voru gerð upptæk í viðamikilli alþjóðlegri aðgerð undir heitinu Opson VI, sem lauk nýverið. 

Athygli stjórnenda félaga sem beita alþjóðlegum reikningsskilastöðlum við samningu ársreiknings eða samstæðureiknings er vakin á skilafresti reikningsskila félagsins.  

Tollverðir í Flugstöð Leifs Eiríkssonar stöðvuðu nýverið smygl á tæpum tveimur lítrum af fljótandi kókaíni til landsins.

Að undanförnu hefur ríkisskattstjóri endurskipulagt vettvangseftirlitið í ljósi breyttra aðstæðna. Með því hefur tekist að auka afköst eftirlitsins bæði í ljósi fjölda heimsókna og dýpri skoðana.

Með breytingum á ársreikningalögum sem samþykktar voru vorið 2016 var felld niður heimild félaga til að skila inn til ársreikningaskrár samandreginni útgáfu af ársreikningi. 

Tollverðir haldlögðu rúmlega 19 kíló af fíkniefnum á landamærum á síðasta ári, 2016. Þar af var mesta magnið kókaín, rúmlega 7.4 kíló. Haldlagt hass var rúm 5.5 kíló og amfetamín rúmlega 4.5 kíló.

Velferðarráðuneytið hefur tilkynnt að fjórir vinnustaðir hafi verið valdir til að taka þátt í tilraunaverkefni ríkisins og BSRB um styttingu vinnuvikunnar.

Á árinu 2016 voru í gildi tímabundið lengri greiðslufrestir (fleiri gjalddagar) á aðflutningsgjöldum, sbr. ákvæði til bráðabirgða nr. XIV við Tollalög nr. 88/2005. Þær reglur féllu úr gildi þann 31. desember 2016.

Tollverðir hafa að undanförnu haldlagt rúmlega 184 lítra af nikótínvökva sem flytja átti inn í landið. Flestar komu sendingarnar, fimm talsins, frá Bandaríkjunum en einnig frá Bretlandi og Hong Kong.

Þann 22. febrúar tók viðskiptaliprunarsamningur Alþjóða viðskiptastofnunarinnar (WTO) formlega gildi þegar Rúanda, Óman, Chad og Jórdanía afhentu framkvæmdastjóra stofnunarinnar, Roberto Azevêdo, skjöl um fullgildingu ríkjanna á samningnum.

Ríkisskattstjóri áréttar að ef einstakir fagaðilar fylgja ekki skilmálum um jöfn skil á árinu 2017 verður ekki unnt að veita framlengdan skilafrest á næsta ári.

Undirbúningur og kerfisbreytingar er tengjast því að taka í notkun nýja tollskýrslu hafa tekið lengri tíma en áætlað var.

Frá og með staðgreiðsluskilum vegna launa í janúar 2017 óskar ríkisskattstjóri eftir ítarlegri upplýsingum fyrir hvern launamann frá launagreiðendum.  

Hin árlega UT-messa er nú haldin í Hörpu. Ríkisskattstjóri kynnir þar nýjung í þjónustu sinni – Rafræna fyrirtækjaskrá – sem brátt verður tekin í notkun.

Álagningu virðisaukaskatts vegna september-október 2016 er nú lokið. Samanburður við sama tíma árið 2015 leiðir í ljós að heildarvelta eykst milli ára.

Fyrsta greiðsla barnabóta á árinu 2017 verður þann 1. febrúar  næstkomandi.  

Benedikt Jóhannesson nýskipaður fjármála- og efnahagsráðherra heimsótti ríkisskattstjóra þriðjudaginn 17. janúar 2017.

Tollverðir á Keflavíkurflugvelli stöðvuðu fimmtán burðardýr fíkniefna á nýliðnu ári, 2016. Lögreglan á Suðurnesjum hafði með höndum rannsóknir málanna og er flestum þeirra lokið en aðrar á lokastigi.

Á nýliðnu ári 2016 komu upp 260 mál í kjölfar póstsendinga sem tollverðir stöðvuðu og reyndust innihalda fíkniefni eða stera.

Frá og með 1. janúar sl. hafa afgreiðslur ríkisskattstjóra á höfuðborgarsvæðinu verið sameinaðar í eina.