Fréttir og tilkynningar: 2020

Landsréttur hefur dæmt tvo menn fyrir meiri háttar brot gegn skattalögum og lögum um bókhald í rekstri einkahlutafélags, en annar þeirra var stjórnarmaður og framkvæmdastjóri félagsins en hinn daglegur stjórnandi þess.

Landsréttur hefur staðfest dóm Héraðsdóms Reykjavíkur um skilorðsbundið fangelsi og rúmlega 35 milljón króna sekt vegna brota á lögum bókhald og virðisaukaskatt, en vanframtalinn virðisaukaskattur nam tæpum 19 milljónum króna.

Héraðsdómur Reykjavíkur hefur dæmt mann í 14 mánaða fangelsi og til greiðslu sektar að fjárhæð 96 milljónir króna.

Um áramótin 2020-2021 taka gildi nokkrar breytingar á lögum er varða tollamál og innflutning.

Breytingar á aðflutningsgjöldum o.fl., vegna tollafgreiðslu vara sem taka gildi 1. janúar 2021.
Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.

Þótt unnið hafi verið fram á nætur mun ekki takast að hefja móttöku á umsóknum um tekjufallsstyrki fyrr en á nýju ári. 

Um áramót verða gerðar breytingar á staðgreiðslu, persónuafslætti og skattþrepum fyrir tekjuárið 2021. 

Um jól og áramót verða breytingar á venjulegum opnunartíma Skattsins.

Opnað hefur verið fyrir umsóknir um aukinn frest á greiðslu staðgreiðslu launamanna og tryggingagjalds fyrir þá mánuði sem þegar var frestað greiðslu á.

Því miður tókst ekki að hefja móttöku á umsóknum um tekjufallsstyrki í þessari viku. Umsóknarferlið er flókið og margþætt og ýmislegt hefur komið upp á sem orðið hefur til þess að tefja málið þótt unnið sé fram á kvöld og um helgar að þessu verkefni.

Landsteymi Nordic Smart Government hélt 27. nóvember sl. fjarfund undir yfirskriftinni „Verðmætasköpun með stafrænum lausnum“. Fundinn sóttu um 80 aðilar frá ýmsum stofnunum og fyrirtækjum.

Bilun í tölvukerfi olli því að röng krafa vegna stjórnvaldssekta stofnaðist á u.þ.b. 400 félög í heimabanka.

Á miðnætti 31. desember 2020 lýkur aðlögunartímabili Bretlands gagnvart Evrópusambandinu og yfirgefur Bretland samhliða Evrópska efnahagssvæðið. Við lok aðlögunartímabils falla úr gildi ákvæði EES-samningsins gagnvart Bretlandi. 

Frá 1. maí 2020 hefur verið í gildi tímabundið lengri greiðslufrestur á aðflutningsgjöldum (sk. tollkrít). Frá og með 1. janúar 2021 taka fyrri reglur um greiðslufrest og gjalddaga aðflutningsgjalda gildi.

Í ljósi erfiðs rekstrarumhverfis og óvissu í atvinnulífi hefur ríkisskattstjóri ákveðið að nýta heimild til að beita ekki álagi á vangreiddan virðisaukaskatt.

Opnað hefur verið fyrir umsóknir um lokunarstyrk 3 sem ákvarðaður er á grundvelli laga nr. 38/2020 eins og þeim var breytt með lögum nr. 119/2020.

Ríkisskattstjóri hefur gefið út sérstakt álit í tilefni fyrirspurna sem borist höfðu um hvort skylt sé að innheimta virðisaukaskatt við sölu aðgangs að t.d. tónleikum eða leiksýningum sem streymt er beint í sjónvarp, tölvu, síma eða annað snjalltæki kaupanda.

Í ljósi hertra sóttvarnaraðgerða verður þjónusta í afgreiðslum Skattsins í Reykjavík og á Akureyri ekki með hefðbundnum hætti til og með 12. janúar. Á þetta við um afgreiðslu á Laugavegi 166 og í Tollhúsinu við Tryggvagötu í Reykjavík og starfsstöð Skattsins á Akureyri. 

Skatturinn hlaut þann 28. október sl. jafnlaunavottun á Jafnlaunastaðalinn ÍST 85 sem staðfest hefur verið af Jafnréttisstofu. Þess má geta að embætti tollstjóra fékk jafnlaunavottun árið 2017 og var fyrsti vinnustaðurinn á landinu til að fá slíka vottun.

Fjárfesting í stafrænni þróun og nýsköpun er brýn á tímum fjórðu iðnbyltingarinnar, faraldurs og samdráttar. Hvar liggja tækifærin?

Kona hefur verið dæmd í Landsrétti í 12 mánaða skilorðsbundið fangelsi og til greiðslu 106,5 milljóna króna sektar fyrir að hafa ekki staðið skil á virðisaukaskatti og staðgreiðslu opinberra gjalda, að fjárhæð 53,2 milljónir króna, í rekstri félags þar sem hún sat í stjórn.

Vakin er athygli á að gagnaskilakerfi Skattsins hefur verið uppfært. Uppfærslan hefur einungis áhrif á skil þeirra aðila sem skila upplýsingum beint úr bókhalds- og launakerfum með vefþjónustu. 

Skatturinn er meðal þeirra fyrirtækja, sveitarfélaga og stofnana sem hljóta viðurkenningu Jafnvægisvogarinnar 2020, sem Félag kvenna í atvinnulífinu veitir.

Vakin er athygli á því að leiðbeiningar um einfaldari tollskýrslu hafa verið uppfærðar. Meðal annars er komið nýtt tollskrárnúmer 9803-7000 um endursendar dýraafurðir.

Alþingi hefur samþykkt að greiða þeim sem stunda atvinnurekstur, annars vegar áframhald á lokunarstyrkjum og hins vegar tekjufallsstyrki, með ákveðnu hámarki og skilyrðum. Skatturinn fer með framkvæmdina. 

Fjármála- og efnahagsráðherra hyggst leggja fram frumvarp til laga um breytingu á lögum er varða rannsókn og saksókn í skattalagabrotum. 

Á samráðsgátt stjórnvalda hefur verið birt frumvarp til laga um breytingu á lögum er varða rannsókn og saksókn í skattalagabrotum (tvöföld refsing, málsmferð).

Heimilt er að sækja um frestun greiðslu tekjuskatts samkvæmt álagningu 2020, að uppfylltum ákveðnum skilyrðum. Sótt er um frestun á þjónustusíðu lögaðilans og er umsóknarfrestur til 10. nóvember nk. 

Ríkisskattstjóri hefur lokið álagningu opinberra gjalda 2020 á lögaðila og liggja niðurstöður álagningarinnar nú fyrir.

Álagningarseðlar eru nú aðgengilegir á þjónustuvef Skattsins.
Kærufresti lýkur mánudaginn 30. nóvember 2020.

Lesa meira

Skatturinn birtir ítarlegar upplýsingar um forsendur álagningar og skýringar á álagningarseðli. Fjallað er um hverjir bera hvaða skatt og af hvaða stofni hann er reiknaður.

Lesa meira

Einstaklingur hefur verið dæmdur til greiðslu sektar að fjárhæð 43 milljónir og átta mánaða fangelsi, skilorðsbundið til þriggja ára.

Skattinum hefur verið falin framkvæmd á ýmsum úrræðum sem stjórnvöld hafa gripið til vegna kórónuveirufaraldursins og aðgerða vegna hans, s.s. stöðvun á tiltekinni starfsemi. 

Í málinu var ákært fyrir brot á skattalögum og peningaþvætti. Framkvæmdastjóri félags sem jafnframt var stjórnarmaður þess skilaði skattyfirvöldum efnislega röngum virðisaukaskattsskýrslum árið 2017, ýmist með því að vanframtelja útskatt eða offramtelja innskatt, samtals 57 milljónir króna.

Maður var ákærður fyrir að hafa staðið skil á efnislega röngum skattframtölum gjaldárin 2008, 2010 og 2011, með því að láta undir höfuð leggjast að telja fram tekjur að fjárhæð 116 milljónir í formi úttekta í félögum sem voru í hans eigu.

Vakin er athygli inn- og útflytjenda sem senda tollskýrslur til tollafgreiðslu hjá Skattinum úr viðskiptakerfum sínum með EDI samskiptum (SMT tollafgreiðsla) á að unnið er að innleiðingu nýrrar tegundar tollskýrslu á Íslandi, svokallaðrar SAD tollskýrslu.

Búið er að uppfæra upplýsingar um þá rekstraraðila sem fengið hafa greiddan stuðning vegna hluta launakostnaðar á uppsagnarfresti.

Í ljósi þeirra aðstæðna sem nú eru uppi hvetur Skatturinn alla viðskiptavini sína til að nýta upplýsingar á vefnum (skatturinn.is), hafa samband í gegnum tölvupóst eða hringja í stað þess að koma í afgreiðslur.

Í ljósi fjölgunar Covid-19 smita í samfélaginu undanfarna daga hefur Skatturinn ákveðið að í öllum afgreiðslum þurfi viðskiptavinir að bera grímur til að tryggja sóttvarnir viðskiptavina og starfsmanna.

Nú styttist í lokaskilafrest skattframtals lögaðila vegna rekstrarársins 2019, en álagning lögaðila fer fram 30. október nk. 

Þeim rekstraraðilum sem ætla að sækja um stuðning vegna hluta launakostnaðar í ágúst er bent á að umsóknarfrestur rennur út 21. september n.k. þar sem 20. september ber upp á sunnudag. 

Samkvæmt auglýsingum heilbrigðisráðherra nr. 360/2020, 445/2020 og 470/2020, sem birtar voru í Stjórnartíðindum, var tilteknum rekstraraðilum gert að stöðva starfsemi sína lengur en öðrum vegna sóttvarnaraðgerða.  

Samkvæmt 15. gr. laga nr. 50/2020, um stuðning úr ríkissjóði vegna hluta launakostnaðar á uppsagnarfresti, skal Skatturinn birta opinberlega upplýsingar um hvaða atvinnurekendum hefur verið ákvarðaður stuðningur samkvæmt lögunum.

Norrænu atvinnuvegaráðherrarnir hafa samþykkt áætlun sem er ætlað að koma hreyfingu á efnahagslífið í kjölfar Covid-19 og stuðla að sjálfbærum vexti í atvinnulífi á Norðurlöndum.

Þar sem enn ríkir óvissa í atvinnulífi og efnahag landsins hefur enn á ný verið ákveðið að nýta heimild til að beita ekki álagi á vangreiddan virðisaukaskatt. 

Lögreglan á höfuðborgarsvæðinu hefur í dag varað við netsvindli sem sent hefur verið með sms-skilaboðum í nafni Skattsins. Í skilaboðunum er tilkynnt um meinta endurgreiðslu.

Áskorun um skil á ársreikningum hefur nú verið birt á þjónustusíðu Skattsins (skattur.is) til þeirra félaga sem ekki hafa staðið skil á ársreikningi sínum til ársreikningaskrár.

Meðal ráðstafana til að bregðast við efnahagssamdrætti af völdum kórónuveirunnar er að endurgreiðsluhlutfall virðisaukaskatts var hækkað tímabundið úr 60% í 100% og úrræðið útvíkkað.

Umsókn fyrir atvinnurekendur sem hyggjast óska eftir stuðningi úr ríkissjóði vegna hluta launakostnaðar á uppsagnarfresti er nú tilbúin og aðgengileg á þjónustusíðum á skattur.is.

Nýlega voru samþykkt á Alþingi lög um breytingu á ýmsum lögum um skatta og gjöld, þ.m.t. tvær breytingar á lögum um staðgreiðslu skatts á fjármagnstekjur. Um er að ræða lög nr. 33/2020 ásamt breytingum á þeim með lögum sem samþykkt voru 30. júní sl. (óbirt).

Nú er hægt að sækja um 100% endurgreiðslu á virðisaukaskatti af vinnu manna á byggingarstað vegna endurbóta, viðhalds eða nýbyggingar á mannvirkjum í eigu sveitarfélaga.

Í ljósi þeirrar miklu óvissu sem ríkt hefur í atvinnulífi og efnahag landsins hefur Skatturinn, að höfðu samráði við fjármála- og efnahagsráðuneytið, ákveðið að nýta heimild sína til að beita ekki álagi á vangreiddan virðisaukaskatt sem er á eftirtöldum gjalddögum:

Þann 1. júlí nk. munu taka gildi eftirfarandi breytingar á tollalögum; Ákvæði um hámarksþyngd matvæla sem ferðamenn og farmenn mega hafa meðferðis til landsins eða kaupa í tollfrjálsri verslun verður hækkað úr 3 kg í 10 kg.

Reglur um gildistíma tollafgreiðslugengis sem nota skal við tollafgreiðslu tollskýrslu vörusendingar:

Yfirskattanefnd hefur fellt úr gildi úrskurð ríkisskattstjóra sem kveðinn var upp í framhaldi af rannsókn skattrannsóknarstjóra ríkisins á skattskilum kæranda árin 2010-2013.

Júní 2020 útgáfan af tímariti Alþjóða tollastofnunarinnar (WCO News) er komin út. Þema blaðsins að þessu sinni er: „Covid 19: áhrif, áskoranir, lærdómur og leiðin fram á við."

Yfirskattanefnd hefur staðfest úrskurð ríkisskattstjóra sem kveðinn var upp í framhaldi af rannsókn skattrannsóknarstjóra ríkisins á skattskilum kæranda árin 2010-2013.

Yfirskattanefnd hefur úrskurðað að einstaklingur sem hafði á saknæman hátt, skv. rannsókn skattrannsóknarstjóra, vanrækt að telja fram í skattframtölum sínum tekjur af útleigu húsnæðis til ferðamanna á árunum 2016, 2017 og 2018.

Samþykkt hafa verið og birt í Stjórnartíðindum lög nr. 50/2020, um stuðning úr ríkissjóði vegna greiðslu hluta launakostnaðar á uppsagnarfresti.

Búið er að opna fyrir umsókn um lokunarstyrk samkvæmt lögum nr. 38/2020. Þeir rekstraraðilar sem gert var að stöðva starfsemi sína samkvæmt auglýsingu heilbrigðisráðherra um takmörkun á samkomum vegna farsóttar geta sótt um lokunarstyrk.

Alþjóðatollastofnunin og Alþjóðaheilbrigðisstofnunin settu saman lista yfir helstu lækningavörur í kjölfar Covid-19 faraldursins. Embættið hefur flokkað þessar vörur eftir íslensku tollskránni á ensku og hægt er að nálgast hann á ytri vef embættisins.

Þann 9. júní tók gildi auglýsing um breytingu á tollskrá, sbr. auglýsingu nr. 52/2020. Kemur hún í stað auglýsingar 35/2020 og er að öllu leyti sambærileg nema að breytingar á 19. og 21. kafla hafa verið felldar niður og verða þeir kaflar eins og fyrir auglýsingu 35/2020.

Landsréttur hefur staðfest tveggja ára skilorðsbundinn fangelsisdóm og 238 milljóna króna sekt yfir fyrrverandi framkvæmdastjóra verktakafyrirtækis vegna brota á virðisaukaskatts- og staðgreiðslulögum.

Nýlega voru samþykkt á Alþingi lög um stuðning úr ríkissjóði vegna greiðslu hluta launakostnaðar á uppsagnarfresti (óbirt lög/mál nr. 811).

Í ljósi þeirrar miklu óvissu sem ríkt hefur í atvinnulífi og efnahag landsins hefur Skatturinn, að höfðu samráði við fjármála- og efnahagsráðuneytið, ákveðið að nýta heimild sína til að beita ekki álagi á vangreiddan virðisaukaskatt sem er á eftirtöldum gjalddögum:

Ríkisskattstjóri hefur lokið álagningu opinberra gjalda á einstaklinga 2020, á tekjur ársins 2019. Tekjuskattur og útsvar hafa að mestu þegar verið innheimt í staðgreiðslu en í álagningunni fer fram endanlegt uppgjör þessara skatta.

Álagningu opinberra gjalda á árinu 2020 er lokið á þá einstaklinga, sem skattskyldir eru samkvæmt I. kafla laga nr. 90/2003, um tekjuskatt.

Álagning einstaklinga 2020, vegna tekjuársins 2019, fer fram 29. maí n.k. Niðurstöður álagningar hafa verið birtar og eru aðgengilegar á þjónustuvef Skattsins.

Inneignir (vaxtabætur, barnabætur og sérstakur barnabótaauki, auk ofgreiddrar staðgreiðslu) eru greiddar inn á bankareikninga 29. maí 2020. Létta má mánaðarlega greiðslubyrði með gerð greiðsluáætlana hjá innheimtumönnum ríkissjóðs.

Með setningu bráðabirgðaákvæðis XXVI við lög nr. 50/1988 um virðisaukaskatt, sbr. lög nr. 154/2019, var tollyfirvöldum gert heimilt við tollafgreiðslu að fella niður virðisaukaskatt upp að ákveðnu hámarki af léttum bifhjólum og reiðhjólum sem uppfylla ákveðin skilyrði.

Frá og með deginum í dag er hægt að sækja um endurgreiðslur á virðisaukaskatti vegna viðgerða, sprautunar og réttingar á fólksbifreiðum samkvæmt reikningum frá og með 1. mars sl. 

Alþingi samþykkti í síðustu viku lög um fjárstuðning til minni rekstraraðila vegna heimsfaraldurs kórónuveiru. Þar er m.a. kveðið á um að rekstraraðilar sem uppfylla tiltekin skilyrði geti átt rétt á lokunarstyrk úr ríkissjóði.

Alþingi samþykkti þann 6. maí 2020 lög um m. a. breytingu á lögum nr. 29/1993, um vörugjald af ökutækjum, eldsneyti o.fl., með síðari breytingum.

Frestur tilkynningarskyldra fjármálastofnana til skila á CRS og FATCA upplýsingum til Skattsins á árinu 2020 hefur verið framlengdur til 31. ágúst nk.

Landsréttur hefur staðfest dóm héraðsdóms Reykjavíkur yfir Júlíusi Vífli Ingvarssyni fyrir peningaþvætti en hann var sakfelldur í héraðsdómi síðla árs 2018.

Héraðsdómur Reykjaness hefur dæmt mann til að greiða 17,5 milljónir króna í sekt fyrir að hafa ekki staðið skil á tæplega 9 milljónum kr. af innheimtum virðisaukaskatti.

Athyglisverður dómur var kveðinn upp í héraðsdómi Reykjaness nýlega. Ákært var fyrir meiri háttar brot á skattalögum en viðkomandi vanrækti að skila staðgreiðslu að upphæð kr. 31 milljón og virðisaukaskatti fyrir samtals 23 milljón.

Ríkisstjórn Íslands hefur nú kynnt aðgerðapakka tvö sem er framhald efnahagsaðgerða stjórnvalda vegna heimsfaraldurs kórónuveiru. Í kynningu pakkans má sjá að nokkur úrræði snúa að Skattinum. 

Að gefnu tilefni skal tekið fram að umsóknir um endurgreiðslu á virðisaukaskatti vegna kostnaðar við bílaviðgerðir, heimilisaðstoð og annars kostnaðar sem samþykktar voru með lögum nr. 25/2020 eru ekki tilbúnar.

Vegna Covid-19 hefur tollgæslustjóri ákveðið að veita tímabundna heimild til snertilausra samskipta milli aðila sem annast farmvernd.

Fjármála- og efnahagsráðuneytið hefur ákveðið að breyta reglum um skuldfærslu vörugjalds af ökutækjum.

Fjármála- og efnahagsráðuneytið hefur ákveðið að breyta reglum um skuldfærslu vörugjalds af ökutækjum.

Gjalddagi virðisaukaskatts fyrir uppgjörstímabilið mars 2020 hjá þeim aðilum sem gera upp mismun út- og innskatts mánaðarlega eftir að hafa verið afskráðir af virðisaukaskattsskrá vegna áætlana en verið skráðir að nýju er 15. apríl 2020.

Nú þegar líður nær lokum þriðja fasa verkefnisins Nordic Smart Government eru afurðir þess að líta dagsins ljós.

Á vegum skattyfirvalda Norðurlandanna starfar samnorrænn hópur sem hefur með höndum það verkefni að vekja athygli á og efla varnir gegn brotum tengdum misnotkun á auðkennum fólks og skilríkjafölsun, ID-Criminality.

Áríðandi tilkynning vegna EDI/SMT-tollafgreiðslu - breytingar á skuldfærslu aðflutningsgjalda, gjalddögum; hefur áhrif á hugbúnað innflytjenda og tollmiðlara fyrir tollskýrslugerð og tollafgreiðslu.

Birt hafa verið lög nr. 25/2020 sem samþykkt voru á Alþingi þann 29. mars 2020 um breytingu á ýmsum lögum til að mæta efnahagslegum áhrifum heimsfaraldurs kórónuveiru.

Meðal þeirra ráðstafana sem gripið verður til í því skyni að bregðast við efnahagsástandinu af völdum kórónuveirunnar eru þær að Alþingi samþykkti nýlega lög sem kveða á um tímabundna hækkun á endurgreiðslu virðisaukaskatts, úr 60% í 100%.

Samkvæmt nýsamþykktum lögum frá Alþingi um breytingu á ýmsum lögum til að mæta efnahagslegum áhrifum heimsfaraldurs kórónuveiru geta launagreiðendur sótt um frest á skilum á allt að þremur greiðslum.

Í ljósi þeirra aðstæðna sem nú eru uppi verður þjónusta í afgreiðslum Skattsins skert á næstunni. Þjónustan verður ekki með hefðbundnum hætti.

Skatturinn hvetur alla viðskiptavini sína til að nýta upplýsingar á vefnum (skatturinn.is), hafa samband í gegnum tölvupóst eða hringja í stað þess að koma í afgreiðslur. 

Nýlega voru samþykkt á Alþingi tvö mál til að koma til móts við sjálfstætt starfandi einstaklinga í tengslum við Covid-19 faraldurinn sem nú geisar.

Afgreiðslu Skattsins og Tollgæslu Íslands í Tollhúsinu hefur verið lokað meðan á samkomubanni vegna COVID-19 stendur. Eru viðskiptavinir beðnir afsökunar á því ónæði sem af því hlýst.

Alþingi hefur samþykkt lög nr. 17/2020 um breytingu á lögum um staðgreiðslu opinberra gjalda og lögum um tryggingagjald (frestun gjalddaga).

Í gær var síðasti skiladagur almennra skattframtala einstaklinga og höfðu þá ríflega 182.000 skilað inn framtali sem eru tæplega 60% þeirra sem eru á skattgrunnskrá og þurfa að gera skil. 

Landsréttur hefur staðfest dóm héraðsdóms þar sem stjórnarformaður og prókúruhafi byggingarfélags hafði verið dæmd til að greiða rúmlega 50 milljónar króna sekt.

Héraðsdómur Suðurlands dæmdi nýlega mann til greiðslu sektar að upphæð tæpra sjö milljóna króna ellegar sæta fangelsi í 120 daga.

Vakin er athygli á leiðbeiningum um skattframtal fyrir þá einstaklinga sem ekki hafa íslensku að móðurmáli en störfuðu hér á landi á síðasta ári. Leiðbeiningarnar eru á ensku og pólsku. 

Skatturinn lét nýlega framkvæma viðhorfskönnun í tengslum við Nordic Smart Government verkefnið til að afla upplýsinga um áskoranir lítilla og meðalstórra fyrirtækja við kaup og sölu í stafrænum heimi.

Landsréttur staðfesti frávísunardóm yfir manni vegna skattalagabrota á grundvelli 4. gr. 7. samningsviðauka mannréttindasáttmála Evrópu en þar segir að enginn skuli sæta lögsókn né refsingu að nýju í sakamáli fyrir brot sem hann hefur þegar verið sýknaður af eða sakfelldur fyrir með lokadómi samkvæmt lögum og sakamálaréttarfari viðkomandi ríkis.

Landsréttur hefur úrskurðað að héraðsdómur Reykjavíkur taki skattamál meðlima hljómsveitarinnar Sigur Rósar til efnislegrar meðferðar en þeim málum hafði verið vísað frá dómi 4. október 2019, með tilvísun til 4. gr. 7 samningsviðauka mannréttindasáttmála Evrópu.

Magntollur (A tegund tolls - kr./kg) á þurrmjólk, duftrjóma, rifnum osti o.fl. í tollskrárnúmerunum 0402.1010–0402.9900 og 0406.2000–0406.9000 hækkar samkvæmt ákvæði 4. mgr. 5. gr. tollalaga nr. 88/2005, sbr. auglýsing nr. 9/2020 um breyting á viðauka I við tollalög.

Frestur til skráningar raunverulegra eigenda á grundvelli aðgerða gegn peningaþvætti er að renna út. Þetta m.a. við um félagasamtök, hlutafélög (hf), einkahlutafélög (ehf), sameignarfélög (sf) og fleiri.

Opnað hefur verið fyrir skil á skattframtali einstaklinga 2020, vegna tekna 2019, á þjónustuvef Skattsins. Frestur til að skila er til 10. mars nk. en hægt verður að sækja um viðbótarfrest til 13. mars.

Sigurður Skúli Bergsson hefur verið skipaður í embætti tollgæslustjóra við Tollgæslu Íslands. Sex umsækjendur voru um stöðuna.

Úrskurðarnefnd um upplýsingamál hefur úrskurðað að samskipti Skattsins (áður RSK) og Skattrannsóknarstjóra varðandi rannsókn á svokölluðu Samherjamáli séu ekki undanþegin upplýsingarétti nema að litlum hluta.

Opnað verður fyrir framtalsskil 2020, vegna tekna 2019, um mánaðamótin febrúar/mars. Lokaskiladagur er 10. mars nk., en hægt verður að sækja um framlengdan frest til föstudagsins 13. mars.

Meðal efnis í blaðinu er viðtal við Skúla Eggert Þórðarson ríkisendurskoðanda og umfjöllun um niðurstöður álagningar einstaklinga og lögaðila 2019, innheimtu opinberra skatta og gjalda hjá ríkisskattstjóra og þróun skipulags stofnunarinnar.

Sigurður Skúli Bergsson hefur verið skipaður í embætti tollgæslustjóra við Tollgæslu Íslands. Sex umsækjendur voru um stöðuna.

Maður hefur í Landsrétti verið dæmdur til að greiða 4.900.000 króna sekt í ríkissjóð og skilorðbundið fangelsi til tveggja ára fyrir meiri háttar brot gegn skattalögum og bókhaldsbrot í rekstri einkahlutafélags á árinu 2015.

Með lögum nr. 140/2019, um skráningu einstaklinga, var m.a. gerð sú breyting að launagreiðendur geta ekki lengur sótt um kennitölur beint til Þjóðskrár Íslands fyrir þá erlendu ríkisborgara sem hjá þeim starfa.

Bretland gengur úr Evrópusambandinu (ESB) þann 31. janúar næstkomandi. Við það tímamark tekur við aðlögunartímabil sem gildir til 31. desember 2020. 

Frá og með 1. janúar sl. eru skattþrep í staðgreiðslu þrjú. Þeir einstaklingar sem starfa eða fá greiðslur frá fleiri en einum launagreiðanda þurfa mögulega að gera ráðstafanir til að tryggja rétt hlutfall afdreginnar staðgreiðslu og rétta nýtingu persónuafsláttar.

Dómsmálaráðuneytið og fjármála- og efnahagsráðuneytið hafa skipað vinnuhóp til að útfæra tillögur nefndar er sett var á laggirnar af hálfu ráðuneytanna tveggja um rannsókn og saksókn skattalagabrota.

Fyrirframgreiðsla barnabóta nemur 50% af áætluðum barnabótum ársins og greiðist með tveimur jöfnum greiðslum, 1. febrúar og 1. maí. Miðað er við fjölskyldustöðu samkvæmt Þjóðskrá eins og hún er 31. desember árið á undan.

Á grundvelli laga nr. 82/2019 um skráningu raunverulegra eigenda þurfa allir lögaðilar sem stunda atvinnurekstur hér á landi eða eru skráðir í fyrirtækjaskrá að afla upplýsinga um og skrá raunverulega eigendur sína og réttindi þeirra.

Fundur Nordic Smart Government á Íslandi um einföldun rekstrarumhverfis fyrir atvinnulífið á Grand hótel sl. fimmtudag var vel sóttur.

Ríkisskattstjóri hefur ákveðið að upplýsingum um laun, verktakagreiðslur, hlutafé, bifreiðahlunnindi og aðrar greiðslur vegna ársins 2019 skuli skilað eigi síðar en 20. janúar 2020.

Athygli er vakin á að frá 1. janúar 2020 er eingöngu tekið við pappírstollskýrslum á SAD formi (E2) nema í þeim tilfellum þar sem verið er að leiðrétta tollskýrslu sem upprunalega var gerð með gamla eyðublaðinu (E1).

Nordic Smart Government á Íslandi býður til fundar um einföldun rekstrarumhverfis fyrir atvinnulífið þann 16. janúar nk. í Setrinu á Grand Hótel.

Breytingar á aðflutningsgjöldum o.fl., vegna tollafgreiðslu vara sem taka gildi 1. janúar 2020.
Varðar m.a. innflytjendur, útflytjendur, tollmiðlara og hugbúnaðarhús, sem selja eða þjónusta hugbúnað til tollskýrslugerðar.