Fréttir og tilkynningar: 2022

Fjármála- og efnahagsráðuneytið hefur birt á vef Stjórnarráðsins tilkynningu um breytingar á tekjuskatti einstaklinga og útsvarsprósentum sveitarfélaga vegna staðgreiðsluársins 2023.

Þann 2. desember 2022 ákvað ríkisskattstjóri að leggja stjórnvaldssekt á Sentor ehf., kt. 480506-0810, vegna brots á ákvæðum laga um aðgerðir gegn peningaþvætti og fjármögnun hryðjuverka.

Samninganefndir Andorra og Íslands luku gerð samnings til að koma í veg fyrir tvísköttun þann 1. desember 2022 í Andorra la Vella.

Tollskóli ríkisins heldur námskeið fyrir starfsfólk tollmiðlara sem annast gerð tollskýrslna og samskipti við tollyfirvöld vegna þeirra. 

Rúmlega 600 aðilum hefur verið sent bréf um fyrirhugaða afskráningu af virðisaukaskattsskrá sökum áætlana. Um er að ræða bæði fyrirtæki og einstaklinga í sjálfstæðum rekstri sem ekki hafa staðið skil á virðisaukaskattsskýrslum tveggja samliggjandi uppgjörstímabila eða lengur.

Senn líður að jólum sem þýðir að til landsins fara að streyma pakkar og pinklar. Þar eru bæði gjafir frá vinum og ættingjum en líka vörur sem keyptar eru í erlendum vefverslunum. Margar þessara sendinga þurfa að komast tímanlega undir jólatréð og enginn má fara í jólaköttinn.

Álagning lögaðila 2022, vegna rekstrarársins 2021, verður lögð fram dagana 16. nóvember til 30. nóvember 2022 að báðum dögum meðtöldum.

Áríðandi tilkynning til hugbúnaðarhúsa, tollmiðlara og innflytjenda – breytingar á SAD innflutningsskýrslu, sem hafa áhrif á hugbúnað vegna tollskýrslugerðar í innflutningi.

Skatturinn er umsjónaraðili norræna verkefnisins Nordic Smart Government & Business á Íslandi. Meginmarkmið þess er að gera viðskiptagögn aðgengileg fyrirtækjum og stofnunum á sjálfvirkan, snjallan og öruggan hátt í rauntíma svo þau nýtist til nýsköpunar og vaxtar.

Félögin hafa fengið frest til að skila ársreikningi eða eftir atvikum samstæðureikningi og er sá frestur nú liðinn án þess að félögin hafi gert fullnægjandi skil.

Skatturinn hefur lokið álagningu opinberra gjalda 2022 á lögaðila og liggja niðurstöður álagningarinnar nú fyrir.

Álagningu tekjuskatts 2022 á lögaðila sem og álagningu annarra opinberra gjalda lögaðila sem lögð skulu á vegna tekjuársins 2021 er lokið.

Álagning lögaðila fer fram 31. október nk. og eru álagningaseðlar birtir á þjónustuvef Skattsins 27. október. Kröfur vegna innheimtu gjalda í kjölfar álagningar birtast í netbönkum sama dag.

Á ráðstefnu Félags kvenna í atvinnulífinu, Jafnrétti er ákvörðun, var Skattinum veitt viðurkenning Jafnvægisvogarinnar við hátíðlega athöfn. Viðurkenningin er veitt þeim sem hafa jafnt kynjahlutfall í efsta lagi stjórnunar.

Tvísköttunarsamningur milli Íslands og Ástralíu var undirritaður í utanríkisráðuneytinu í dag. Þórdís Kolbrún Reykfjörð Gylfadóttir utanríkisráðherra og Kerin Ann Burns Ayyalaraju sendiherra Ástralíu gagnvart Íslandi undirrituðu samninginn.

Vakin er athygli á að þann 1. janúar 2023 taka gildi lög nr. 103/2021 „Lög um breytingu á lögum um hollustuhætti og mengunarvarnir, lögum um meðhöndlun úrgangs og lögum um úrvinnslugjald (EES-reglur, hringrásarhagkerfi).“ 

Nú styttist í lokaskilafrest skattframtals lögaðila vegna rekstrarársins 2021, en álagning lögaðila fer fram 31. október nk.

Frestur til að skila ársreikningi vegna rekstrarársins 2021 til Ársreikningaskrár rennur út þann 31. ágúst nk. Skila ber ársreikningi innan mánaðar eftir að reikningurinn var samþykktur á aðalfundi félags, þó eigi síðar en átta mánuðum eftir lok reikningsárs.

Álagningarskrá vegna álagningar á einstaklinga á árinu 2022 vegna tekjuársins 2021 er til sýnis frá 17. ágúst til 31. ágúst að báðum dögum meðtöldum. 

Þann 1. september nk. lækkar endurgreiðsluhlutfall virðisaukaskatts vegna vinnu við byggingu, endurbætur eða viðhald íbúðarhúsnæðis úr 100% í 60%. 

Enn á ný er komið upp tilfelli þar sem netþrjótar herja á fólk í nafni Skattsins í þeim tilgangi að hafa af því peninga. Fólk er beðið um að sýna aðgát og kynna sér einkenni netsvika.

Við frestun þingfundar þann 16. júní voru samþykktar nokkrar breytingar á lögum er varða tollamál og innflutning sem taka gildi í sumar.

Enn á ný er herja netþrjótar á fólk í nafni Skattsins í þeim tilgangi að hafa af því peninga eða fjárhagsupplýsingar.

Eins og fram kemur í frétt á vef Skattsins hinn 31. maí sl. ákvað Alþingi að greiða sérstakan barnabótaauka sem hluta af mótvægisaðgerðum vegna hækkandi verðbólgu. Þessi sérstaki barnabótaauki verður greiddur föstudaginn 1. júlí n.k.

Afgreiðslutími umsókna um endurgreiðslu virðisaukaskatts vegna endurbóta og viðhalds á íbúðarhúsnæði er nú um 2-3 mánuðir.

Vakin er athygli á því að frestur til að sækja um lokunarstyrk 7, veitingahúsastyrk og viðspyrnustyrk er til 30. júní n.k. Sótt er um á þjónustuvef Skattsins. Leiðbeiningar eru á COVID-19 síðum Skattsins.

Alþingi hefur þann 24. maí sl. samþykkt að greiða aukalega sérstakan barnabótaauka 1. júlí næstkomandi sem hluta af mótvægisaðgerðum vegna verðbólgu.

Álagningar- og innheimtuseðlar eru aðgengilegir á þjónustuvef Skattsins; www.skattur.is. 

Ríkisskattstjóri hefur lokið álagningu opinberra gjalda á einstaklinga 2022, á tekjur ársins 2021. Tekjuskattur og útsvar hafa að mestu þegar verið innheimt í staðgreiðslu en í álagningunni fer fram endanlegt uppgjör þessara skatta.

Ný sjálfsafgreiðsluþjónusta á Ísland.is gerir notendum kleift að gera greiðsluáætlun og dreifa greiðslum opinberra gjalda á þeim stað og tíma sem þeim hentar. Sem dæmi geta notendur sjálfir gert áætlanir um greiðslu flestra gjalda, svo sem skatta og önnur gjöld, undir fjármálum á Ísland.is.

Álagning einstaklinga 2022, vegna tekna 2021, fer fram 31. maí nk. Við álagningu er launagreiðendum send krafa um að halda eftir hluta af launum starfsmanna sinna sem skulda skatta og skila inn til innheimtumanns ríkissjóðs.

Niðurstöður álagningar einstaklinga 2022, vegna tekna 2021, verða birtar á þjónustuvef Skattsins 27. maí nk. en álagning fer fram 31. maí.

Tollyfirvöld vekja athygli á því að ívilnun virðisaukaskatts við innflutning tengiltvinnbifreiða mun leggjast af í lok dags þann 6. maí 2022, sbr. XXIV. bráðabirgðaákvæði við lög um virðisaukaskatt nr. 50/1988.

Skattskrár vegna álagningar á einstaklinga og lögaðila á árinu 2021 og virðisaukaskattsskrá vegna tekjuársins 2020 eru lagðar fram 28. apríl 2022 - 11. maí 2022.

Með dómi Landsréttar í máli nr. 744/2020 var innheimta gjalds af eftirlitsskyldum rafföngum (QB-gjald) dæmd ólögmæt. Gjaldtakan byggðist á 14. gr. laga nr. 146/1996 og var nánar útfærð í grein 9.2. reglugerðar nr. 678/2009 um raforkuvirki.

Móttaka á umsóknum um viðspyrnustyrki hófst 13. apríl sl., sbr. lög nr. 16/2022. Annars vegar geta þeir sem ekki sóttu um fyrir tímabilið ágúst-nóvember 2021 innan fyrri frests nú sótt um þessa mánuði og hins vegar er um að ræða framhald viðspyrnustyrkja fyrir desember 2021 til og með mars 2022. Umsóknir þurfa að berast eigi síðar en 30. júní 2022.

Áréttað er við forráðamenn félaga að skila ber ársreikningi eigi síðar en mánuði eftir að reikningurinn var samþykktur á aðalfundi viðkomandi félags, þó eigi síðar en átta mánuðum eftir lok reikningsárs.

Ríkisskattstjóri hefur á grundvelli samstarfs við Félag löggiltra endurskoðenda, FLE, og Félag bókhaldsstofa, FBO, ákveðið að fagaðilar, þ.m.t. endurskoðendur og bókarar fái heimildir til rýmri framtalsskila en almennt gildir. Eru þær sérstöku heimildir þannig umfram almenna framtalsfresti.

Opnað hefur verið fyrir árlega spurningakönnun ríkisskattstjóra vegna aðgerða gegn peningaþvætti og fjármögnun hryðjuverka.

Enn á ný er herja netþrjótar á fólk í nafni Skattsins í þeim tilgangi að hafa af þeim peninga eða fjárhagsupplýsingar.

Búið er að opna fyrir umsóknir um veitingastyrki samkvæmt lögum nr. 8/2022. Veitingastyrkur er greiddur vegna veitingarekstrar á tímabilinu nóvember 2021 til og með mars 2022 til þeirra sem sætt hafa takmörkunum á opnunartíma. Umsókn þarf að berast eigi síðar en 30. júní 2022.

Opnað hefur verið fyrir umsóknir um lokunarstyrk vegna janúar 2022. Umsóknir um veitingastyrk og framhald viðspyrnustyrkja er í smíðum.

Opnað hefur verið fyrir skil á skattframtali einstaklinga 2022, vegna tekna 2021, á þjónustuvef Skattsins. Frestur til að skila er til 14. mars nk.

Vakin er athygli á að við framtalsskil er framteljendum nú heimilt, áður en álagning fer fram, að óska eftir að greiða skattaálagningu í einu lagi á fyrsta gjalddaga eftir álagningu, 1. júní.

Opnað verður fyrir framtalsskil einstaklinga 2022, vegna tekna 2021, 1. mars nk. Lokaskiladagur er 14. mars.

Samþykkt hafa verið á Alþingi lög um styrki til rekstraraðila veitingastaða sem hafa sætt takmörkunum á opnunartíma vegna sóttvarnarráðstafana.

Þann 1. febrúar tók gildi nýtt skipulag innan Skattsins, með sameiningu tveggja sviða í svið Eftirlits og rannsókna. Í kjölfar sameiningar embættis skattrannsóknarstjóra ríkisins við Skattinn á nýliðnu ári var farið í umfangsmikla umbótavinnu með þátttöku starfsmanna sameinaðs embættis.

Alþingi samþykkti með lögum nr. 2/2022 að framlengja frest til að sækja um viðspyrnustyrki vegna rekstrar í nóvember 2021. Búið er að opna fyrir slíkar umsóknir.

Opnað hefur verið fyrir umsóknir um endurgreiðslu virðisaukaskatts vegna framkvæmda sem fara fram á árinu 2022. Þá voru breytingar gerðar á reglum um endurgreiðslu VSK um áramót sem rétt er að skýra nánar.

Vakin er athygli á því að gjalddagi gistináttaskatts vegna uppgjörstímabilanna janúar-febrúar og mars 2020 er þann 7. febrúar nk. Enn fremur er vakin athygli á því að niðurfelling gistináttaskatts hefur verið framlengd út árið 2023.

Opnað hefur verið fyrir skil á skattframtali lögaðila 2022, vegna tekna 2021, á þjónustuvef Skattsins. Almennur framtalsfrestur lögaðila er til 31. maí, en fagaðilar (endurskoðendur og bókarar) geta fengið framlengdan frest allt til 30. september.

Vakin er athygli á að gjalddagi vegna uppgjörstímabilsins nóvember-desember 2021 sem og janúar-desember 2021 (ársskila) er 7. febrúar næstkomandi.

Um áramótin tóku gildi breytingar á aðkomu og eftirfylgni faggiltra skoðunarstöðva og Samgöngustofu við innheimtu bifreiðagjalds, samkvæmt breytingum á lögum nr. 39/1988, um bifreiðagjald, sbr. lög nr. 139/2021.

Lögaðilum, sem gert er að greiða fyrirfram upp í þau gjöld sem lögð eru á í álagningu, hafa verið birtir fyrirframgreiðsluseðlar á þjónustuvef Skattsins.

Opnað hefur verið fyrir umsóknir um greiðsludreifingu eða frestun á greiðslu staðgreiðslu opinberra gjalda og tryggingagjalds samkvæmt nánari reglum þar um.

Fyrsta greiðsla barnabóta á árinu 2022 verður þriðjudaginn 1. febrúar n.k., forsendur fyrir útreikningi barnabóta hvers og eins er að finna á þjónustusíðu Skattsins.

Í gærkvöldi, mánudaginn 17. janúar 2022, voru samþykkt á Alþingi lög sem heimila tiltekna frestun á greiðslu staðgreiðslu opinberra gjalda og tryggingagjalds, auk framlengingar á fresti til að sækja um viðspyrnustyrk vegna nóvember 2021.

Ársreikningaskrá sendi í morgun tilkynningu til 58 félaga þar sem þessum félögum var veittur fjögurra vikna frestur til að skila inn ársreikningi eða eftir atvikum samstæðureikningi.

Í EES-samningnum er að finna sérstaka bókun um uppruna vöru. Meginreglan er sú að til þess að vara sé talin hafa EES uppruna þarf hún að vera framleidd innan svæðisins úr hráefnum sem þar eru fengin eða uppfylla tilteknar kröfur um aðvinnslureglur.

Meðal efnis í blaðinu er umfjöllun um sameiningu skattrannsóknarstjóra og Skattsins, niðurstöður álagningar einstaklinga og lögaðila 2021, stofnanasameiningar í skattkerfinu og upptöku á nýjum vinnslukerfum í virðisaukaskatti og tolli.