Fréttir og tilkynningar: 2024

Skatturinn varar við skilaboðum sem mörgum landsmönnum hafa borist undanfarna daga í nafni Skattsins. Þar reyna svikulir einstaklingar að komast inn á heimabanka og svíkja út fé.

Þann 27. júní sl. var haldin kynning á vegum atvinnuteymis Grindavíkurbæjar á þeim stuðningsaðgerðum sem fyrirtækjum í Grindavík standa til boða vegna áhrifa náttúruhamfara á samfélagið.

Ársreikningaskrá Skattsins boðar til kynningarfundar miðvikudaginn 12. júní kl. 9:15 um niðurstöður eftirlitsaðila á evrópska efnahagssvæðinu með reikningsskilum útgefenda. Auk þess farið verður yfir eftirlit á Íslandi ásamt væntanlegu eftirliti með sjálfbærniskýrslum.

Evrópusambandið (ESB) hefur innleitt ICS2 (Import Control System 2) til að auka öryggi í vöruflutningum og bæta áhættugreiningu á vörusendingum áður en þær koma að landamærum ríkja ESB. Þetta nýja kerfi mun hafa áhrif á útflutning íslenskra fyrirtækja til ESB.

Ríkisskattstjóri hefur lokið álagningu opinberra gjalda á einstaklinga 2024, á tekjur ársins 2023. Tekjuskattur og útsvar hafa að mestu þegar verið innheimt í staðgreiðslu en í álagningunni fer fram endanlegt uppgjör þessara skatta.

Álagningu opinberra gjalda á árinu 2024 er lokið á þá einstaklinga, sem skattskyldir eru samkvæmt I. kafla laga nr. 90/2003, um tekjuskatt.

Skatturinn vinnur nú að leiðréttingu mistaka sem urðu við álagningu opinberra gjalda hjá hluta örorku- og lífeyrisþega sem fá greiðslur frá Tryggingastofnun.

Í apríl voru gerðar breytingar á ákvæðum um barnabætur í þeim tilgangi að hækka barnabætur 2024. Breytingar þessar eru í tengslum við kjarasamninga sem undirritaðir voru í mars.

Við álagningu opinberra gjalda 2024 er framteljendum sem uppfylla ákveðin skilyrði ákvarðaður sérstakur vaxtastuðningur. Lög um hann voru sett í tengslum við kjarasamninga sem undirritaðir voru í mars 2024.

Niðurstöður álagningar einstaklinga 2024, vegna tekna 2023, verða birtar á þjónustuvef Skattsins 23. maí. Inneignir verða greiddar út 31. maí og launagreiðendur fá upplýsingar um skuldir til að draga af launum.

Ríkisskattstjóri vekur athygli á breytingum sem gerðar voru á ákvæðum reglugerðar nr. 667/1995, um framtal og skil á virðisaukaskatti.

Við útreikning álagningar kílómetragjalds vegna febrúar kom upp villa sem varð til þess að hluti raf- og tengiltvinnbílaeigenda fengu ranga álagningu. 

Gjalddagi gistináttaskatts, fyrir tímabilið janúar-febrúar 2024, er 5. apríl. Opnað hefur verið fyrir skil á gistináttaskatti á þjónustuvef skattsins.

Tollskóli ríkisins heldur námskeið fyrir starfsfólk tollmiðlara sem annast gerð tollskýrslna og samskipti við tollyfirvöld vegna þeirra. Námskeiðið verður haldið dagana 15. apríl til 23. maí 2024, mánudaga-fimmtudaga kl. 12:20-16:00.

Tollgæslan og Lyfjastofnun voru meðal þátttakenda í alþjóðlegri aðgerð Europol sem beindist að viðskiptum og innflutningi á ólöglegum lyfjum.

Forsvarsmenn íslenskra fyrirtækja telja mikinn ávinning af því að nota rafræna reikninga í stað pappírsreikninga og PDF-skjala. Tímasparnaður, minni kostnaður, aukin sjálfvirknivæðing, sveigjanleiki og öryggi eru meðal helstu kosta sem nefndir eru í könnun sem Maskína framkvæmdi fyrir Nordic Smart Government & Business.

Gistináttaskattur kom aftur til framkvæmda þann 1. janúar 2024 og ber því að innheimta gistináttaskatt og standa skil á honum í ríkissjóð vegna sölu á gistiaðstöðu samkvæmt ákvæðum laga um gistináttaskatt.

Opnað hefur verið fyrir skil á skattframtali einstaklinga 2024, vegna tekna 2023, á þjónustuvef Skattsins í dag. Frestur til að skila er til 14. mars. Allar helstu upplýsingar eru foráritaðar inn á framtalið og því fljótlegt og auðvelt að yfirfara upplýsingar, bæta við ef eitthvað vantar og staðfesta að lokum.

Framtalið verður aðgengilegt á þjónustuvef Skattsins, www.skattur.is frá og með 1. mars nk. og ber öllum sem náð hafa 16 ára aldri í lok árs 2023 að skila skattframtali og telja fram. Lokaskiladagur er 14. mars.

Til frekari áréttingar vegna umfjöllunar um launakerfi Skattsins. Breytingar á álögðum gjöldum einstaklinga og lögaðila hafa ekki leitt til þess að starfsfólk Skattsins ávinni sér tilkall eða rétt til viðbótarlauna eða annars konar aukagreiðslna.

Opnað hefur verið fyrir skil á skattframtali lögaðila 2024, vegna tekna 2023, á þjónustuvef Skattsins. Almennur framtalsfrestur lögaðila er til 31. maí, en fagaðilar (endurskoðendur og bókarar) geta fengið framlengdan frest allt til 30. september.

Fyrsta greiðsla barnabóta á árinu 2024 verður fimmtudaginn 1. febrúar. Forsendur fyrir útreikningi barnabóta hvers og eins er að finna á þjónustusíðu Skattsins undir flipanum samskipti.

Vegna fjölmiðlaumræðu undanfarna daga um launakerfi Skattsins þykir rétt að koma eftirfarandi á framfæri:

Með lögum um upplýsingagjöf um sjálfbærni á sviði fjármálaþjónustu og flokkunarkerfi fyrir sjálfbærar fjárfestingar voru ákvæði flokkunarreglugerðar Evrópusambandsins innleidd í íslenskan rétt.

Gistináttaskattur kom aftur til framkvæmda frá og með 1. janúar 2024 og ber því að innheimta gistináttaskatt og standa skil á honum í ríkissjóð vegna sölu á gistiaðstöðu að nýju.