Leiðrétting á útreikningi
Skatturinn vinnur nú að leiðréttingu mistaka sem urðu við álagningu opinberra gjalda hjá hluta örorku- og lífeyrisþega sem fá greiðslur frá Tryggingastofnun.
Í einhverjum tilfellum var ekki tekið mið af uppfærðum
upplýsingum um greidda staðgreiðslu og því er útreikningur álagningar og
birt skuldastaða á álagningarseðli röng.
Unnið að leiðréttingu
Nú er unnið hörðum höndum að leiðréttingu og verður útreikningurinn leiðréttur hjá þeim sem þetta á við um. Tilkynning um breytingu útreiknings verður birt á þjónustuvef Skattsins að því loknu.
Rétt staða verður tilbúin fyrir 31. maí þegar álagningin fer fram.
Ekki þarf að óska eftir leiðréttingu
Ekkert þarf að aðhafast og ekki þarf að óska eftir leiðréttingu.
Mögulegt er að skoða skuldastöðu við ríkissjóð á mínum síðum Ísland.is. Ný og uppfærð staða mun sjást þar á föstudagsmorgun, 31. maí.
Beðist er velvirðingar á óþægindum sem af þessu hljótast.