Fréttir og tilkynningar: 2025

Ölgerðin Egill Skallagrímsson hf. hefur nýverið hlotið viðurkenninguna viðurkenndur rekstraraðili (AEO) hjá íslenskum tollayfirvöldum. AEO-vottunin er staðfesting á að fyrirtækið sé öruggur hlekkur í aðfangakeðjunni og nýtur þar af leiðandi viðurkenningar íslenskra og erlendra tollayfirvalda.

Ársreikningum á að skila til ársreikningaskrár innan mánaðar eftir staðfestingu á aðalfundi. Ársreikningum er skilað með rafrænum hætti í gegnum þjónustuvef Skattsins.

Ríkisskattstjóri hefur lokið álagningu opinberra gjalda á einstaklinga 2025, á tekjur ársins 2024. Tekjuskattur og útsvar hafa að mestu þegar verið innheimt í staðgreiðslu en í álagningunni fer fram endanlegt uppgjör þessara skatta.

Álagningar- og innheimtuseðlar eru aðgengilegir á þjónustuvef Skattsins. Kærufrestur vegna álagningar þeirra skatta og gjalda, sem álagning þessi tekur til, rennur út mánudaginn 1. september 2025.

Niðurstöður álagningar einstaklinga 2025, vegna tekna 2024, verða birtar á þjónustuvef Skattsins 22. maí. Inneignir verða greiddar út 30. maí og launagreiðendur fá upplýsingar um skuldir til að draga af launum.

Skattskrár yfir álagða skatta á tekjur einstaklinga og lögaðila á árinu 2024 vegna tekna ársins 2023 ásamt virðisaukaskattsskrá þess árs eru til sýnis dagana 15. til 30. maí 2025.

Skatturinn hlaut tvær viðurkenningar á Nýsköpunarverðlaunum hins opinbera fyrir árið 2025 sem veitt voru í vikunni.

Rekstraraðilum skemmtiferðaskipa ber að standa skil á gistináttaskatti eða innviðagjaldi vegna farþega um borð í skemmtiferðaskipum við Ísland. Gistináttaskattur er lagður á vegna innanlandssiglinga en innviðagjald vegna millilandasiglinga.

Ársreikningaskrá Skattsins boðar til kynningarfundar fimmtudaginn 22. maí kl. 9:15 um niðurstöður eftirlitsaðila á evrópska efnahagssvæðinu með reikningsskilum útgefenda. Auk þess farið verður yfir eftirlit á Íslandi.

Skattskrár yfir álagða skatta á tekjur einstaklinga og lögaðila á árinu 2023 vegna tekna ársins 2022 ásamt virðisaukaskattsskrá þess árs eru til sýnis dagana 28. apríl til 12. maí 2025.

Héraðsdómur Reykjavíkur hefur kveðið upp úrskurð um að fjarskiptafyrirtæki sé skylt að láta Skattinum í té gögn og upplýsingar um fjarskiptagögn vegna rannsóknar skattrannsóknarstjóra.

Ársreikningaskrá sendi þann 7. mars sl. um 500 félögum tilkynningu í Stafrænt pósthólf á Ísland.is um að fyrirhugað væri að slíta félögunum vegna vanskila á ársreikningi. 

Vakin er athygli á að kóði fyrir innflutning á tóbaki til einkanota er orðinn virkur í tollakerfi (TOB leyfi) og tekur til innfluttra sendinga sem innihalda tóbak til einkanota.

Við höfum nú opnað fyrir rafræna nýskráningu á virðisaukaskattsskrá og launagreiðendaskrá í gegnum þjónustuvef Skattsins.

Tollstjórar Norðurlandanna heimsóttu Úkraínu í vikunni til þess að styðja við starfsemi úkraínskra stjórnvalda á stríðstímum. Þátttakendur í heimsókninni ræddu hvernig tollyfirvöld geta með margvíslegum hætti stutt við baráttuna gegn spillingu og smygli.

Tollskóli ríkisins heldur námskeið fyrir starfsfólk tollmiðlara sem annast gerð tollskýrslna og samskipti við tollyfirvöld vegna þeirra. Námskeiðið verður haldið dagana 24. mars til 7. maí 2025, mánudaga-fimmtudaga kl. 12:20-16:00. Engin kennsla verður vikuna fyrir páska.

Opnað hefur verið fyrir skil á skattframtali einstaklinga 2025, vegna tekna 2024, á þjónustuvef Skattsins í dag. Frestur til að skila er til 14. mars. Allar helstu upplýsingar eru foráritaðar inn á framtalið og því fljótlegt og auðvelt að yfirfara upplýsingar, bæta við ef eitthvað vantar og staðfesta að lokum.

Framtalið verður aðgengilegt á þjónustuvef Skattsins frá og með 28. febrúar. Öllum sem náð hafa 16 ára aldri í lok árs 2024 ber að skila skattframtali og telja fram. Lokaskiladagur er 14. mars.

Síðastliðinn föstudag var sendur tölvupóstur til áminningar um skil á virðisaukaskattsskýrslum og virðisaukaskatti vegna uppgjörstímabilsins nóvember-desember 2024. Áminningin fór fyrir mistök á of marga viðtakendur.

Rekstraraðilar á virðisaukaskattsskrá sem seldu virðisaukaskattsskylda vöru eða þjónustu fyrir minna en 4.000.000 kr. á árinu 2024 geta óskað eftir því við ríkisskattstjóra að nota almanaksárið 2025 sem uppgjörstímabil (ársskil) í stað tveggja mánaða skila. 

Tollgæslan var meðal þátttakenda í alþjóðlegri aðgerð Europol sem beindist að viðskiptum og innflutningi á ólöglegum lyfjum og naut liðsinnis Lyfjastofnunar.

Fyrsta greiðsla barnabóta á árinu 2025 var föstudaginn 31. janúar. Forsendur fyrir útreikningi barnabóta hvers og eins er að finna á þjónustuvef Skattsins undir flipanum samskipti.

Opnað hefur verið fyrir skil á skattframtali lögaðila 2025, vegna tekna 2024, á þjónustuvef Skattsins. Almennur framtalsfrestur lögaðila er til 31. maí, en fagaðilar (endurskoðendur og bókarar) geta fengið framlengdan frest allt til 30. september.

Vakin er athygli á ýmsum breytingum sem tóku gildi vegna innflutnings og gjaldtöku vegna farþega og ferðamanna í skemmtiferðaskipum til landsins frá 1. janúar sl. Einnig hafa tilteknar tímabundnar heimildir eldri laga fallið úr gildi.