Áminning um skil á virðisaukaskatti
Síðastliðinn föstudag var sendur tölvupóstur til áminningar um skil á virðisaukaskattsskýrslum og virðisaukaskatti vegna uppgjörstímabilsins nóvember-desember 2024. Áminningin fór fyrir mistök á of marga viðtakendur.
Viðtakendur sem sannanlega hafa staðið skil á virðisaukaskatti fyrir ofangreint tímabil eru beðin afsökunar á þessum leiðu mistökum.
Skoða innsendar skýrslur
Sért þú í vafa má sjá hvort skýrslu hafi verið skilað á þjónustuvef Skattsins undir Vefskil > Virðisaukaskattur. Sjáir þú skýrsluna þar er hún móttekin.
Greiðslustöðu má sjá á Mínum síðum Ísland.is.
Hafi skýrslu verið skilað vegna tímabilsins er óhætt að eyða póstinum.
