Fjöldi ársreikninga í vanskilum
Ársreikningaskrá sendi þann 7. mars sl. um 500 félögum tilkynningu í Stafrænt pósthólf á Ísland.is um að fyrirhugað væri að slíta félögunum vegna vanskila á ársreikningi.
Veittur var fjögurra vikna frestur til að skila inn ársreikningi eða eftir atvikum samstæðureikningi til Ársreikningaskrár.
Enn á eftir að skila ársreikningum fyrir fjöldamörg félög.
Athugaðu hvort búið sé að skila ársreikningi fyrir þitt félag
Skili forsvarsfólk félaga ekki fullnægjandi ársreikningi eða eftir atvikum samstæðureikningi innan frestsins mun ársreikningaskrá senda héraðsdómi kröfu um skipti á búi viðkomandi félags. Engir frekari frestir verða veittir af hálfu ársreikningaskrár.
Stafrænt pósthólf
Mikilvægt er að forsvarsfólk fylgist með Stafrænu pósthólfi og skrái netfang svo þau fái hnipp þegar þeim berast bréf í pósthólfið.
