Spurningakönnun vegna aðgerða gegn peningaþvætti og fjármögnun hryðjuverka
Opnað hefur verið fyrir árlega spurningakönnun ríkisskattstjóra vegna aðgerða gegn peningaþvætti og fjármögnun hryðjuverka.
Þurfa aðilar sem hafa fengið
tilkynningu um könnunina að skrá sig inn á þjónustusíðuna með rafrænum
skilríkjum eða veflykli og birtist könnunin þá undir Vefskil ->
Peningaþvætti. Þeir sem eru á lista yfir tilkynningarskylda aðila ættu við
innskráningu að fá upp kassa á forsíðu sinni þar sem hægt er að opna könnunina.
Algengar spurningar tilkynningarskyldra aðila
Könnunin er liður í eftirliti embættisins og hvetur embættið alla tilkynningarskylda aðila til að svara henni innan gefins frests. Að öðrum kosti eiga þeir á hættu að vera metnir áhættumeiri og kann það að leiða til aukins eftirlits. Könnunin ætti ekki að taka nema nokkrar mínútur.
