Neytendastofa bannar innflutning á reykvél
Reykvélin var hluti af vörusendingu sem Tollstjóri stöðvaði þar sem grunur var um að CE-merking á tækinu væri fölsuð og varan uppfyllti þar með ekki reglur sem gilda um öryggi raffanga.
Tollstjóri sendi málið strax til rannsóknar hjá Neytendastofu, sem hefur nú birt ákvörðun sína í málinu.
Hér má lesa frétt um málið á vef Neytendastofu, ákvörðun Neytendastofu númer 67/2011 og myndir af tækinu
Á morgun, þriðjudaginn 29. nóvember stendur Neytendastofa fyrir fræðslufundi um CE-merkingar. Aðgangur er ókeypis og öllum heimill en óskað er eftir að tilkynnt sé um þátttöku með því að senda tölvupóst postur@neytendastofa.is.
