Álagning opinberra gjalda á lögaðila 2011
Upplýsingar um álagningu opinberra gjalda á lögaðila álagningarárið 2011.
Ríkisskattstjóri hefur lokið álagningu opinberra gjalda 2011 á lögaðila og liggja nú fyrir niðurstöður álagningarinnar. Alls sættu 11.686 lögaðilar áætlun eða 32,02% af skattgrunnskrá. Til samanburðar sættu 12.461 lögaðilar áætlun á síðasta ári eða 35,10% af skattgrunnskrá. Fjöldi lögaðila á skattgrunnskrá á landinu öllu er 36.499.
Á félög og aðra lögaðila nemur álagningin alls kr. 104.641.302.414 en á árinu 2010 nam hún kr. 78.417.313.106. Hækkun álagningar er því 33,4%. Þessu til viðbótar kemur til fyrirframgreiðslu á árinu 2011 viðbót á sérstakan skatt á fjármálafyrirtæki kr. 2.088.244.799 vegna álagningar 2012. Þá má geta þess að endurgreiðslur vegna rannsóknar- og þróunarkostnaðar nýsköpunarfyrirtækja koma nú í fyrsta skipti til framkvæmda og nema samtals kr. 485.550.220.
Skipting álagningar lögaðila er eftirfarandi:
| Fjárhæð | Hækkun / (- lækkun ) fjárhæðar f.f. ári |
||
|---|---|---|---|
| Tryggingagjald | kr. | 65.397.754.253 | 41,42% |
| Tekjuskattur | kr. | 36.291.541.875 | 21,98% |
| Fjármagnstekjuskattur | kr. | 1.134.729.745 | -7,46% |
| Sérst. skattur á fjármálafyrirtæki | kr. | 978.491.844 | - |
| Útvarpsgjald | kr. | 624.531.000 | 11,92% |
| Búnaðargjald | kr. | 175.033.736 | 8,71% |
| Jöfnunargjald alþjónustu | kr. | 39.219.961 | -10,75% |
