Opið fyrir umsóknir um skráningu í almannaheillaskrá
Opnað hefur verið fyrir umsóknir um skráningu í almannaheillaskrá Skattsins. Skráningin er ætluð óhagnaðardrifnum félögum sem í megindráttum reka ekki atvinnustarfsemi.
Félög, sjóðir og stofnanir sem hafa með höndum óhagnaðardrifna starfsemi til almannaheilla sbr. 2. mgr. 4. gr. laga nr. 90/2003, sbr. einnig 9. tölul. sömu greinar, geta sótt um heimild til skráningar í almannaheillaskrá sem Skatturinn heldur.
Gjafir og framlög
til slíkra lögaðila skapa frádráttarheimild hjá gefendum. Listi yfir
viðurkennda lögaðila hvers árs verður birtur á heimasíðu Skattsins.
Umsókn um skráningu á almannaheillaskrá er rafræn í gegnum þjónustuvef Skattsins.
