Rafrænar greiðslukvittanir
Fjársýsla ríkisins sendir nú allar kvittanir frá innheimtumönnum ríkissjóðs rafrænt inn á pósthólf gjaldanda á vefnum island.is. Tollstjóri sendir því ekki lengur pappírskvittanir í pósti.
Þetta gildir hvort sem um innborgun á skuld eða útborgun inneignar er að ræða og jafnframt ef inneign hefur verið skuldajafnað.
Til að nálgast kvittanirnar er farið á slóðina https://minarsidur.island.is/ þar þarf að skrá sig inn með rafrænum skilríkjum eða íslykli. Eftir að þú hefur skráð þig inn er smellt á pósthólf en þar birtast kvittanirnar ásamt öðrum skjölum sem send hafa verið til þín frá opinberum aðilum.
