Staða á innflutningi tengiltvinnbifreiða til Íslands
Með tilkynningu þessari vilja tollyfirvöld upplýsa innflytjendur ökutækja um að fljótlega mun niðurfelling virðisaukaskatts af innflutningi tengiltvinnbifreiða leggjast af.
Það er í samræmi við XXIV. bráðabirgðaákvæði við lög um virðisaukaskatt nr. 50/1988. Samkvæmt umræddu bráðabirgðaákvæði skal fella niður virðisaukaskatt, að ákveðnu hámarki, við innflutning m.a. tengiltvinnbifreiða, að ákveðnum skilyrðum uppfylltum.
Á árinu
2021 er hámarksniðurfelling kr. 960.000 en sú upphæð mun lækka í kr. 480.000 á
árinu 2022. Samkvæmt 7. mgr. XXIV. bráðabirgðaákvæði við virðisaukaskattslög
skal hætta niðurfellingu virðisaukaskatts á tengiltvinnbifreiðum þegar 15.000
slíkar bifreiðar, sem notið hafa þess háttar ívilnana, hafa verið skráðar á
ökutækjaskrá.
Samkvæmt upplýsingum tollyfirvalda hafði virðisaukaskattur verið felldur niður af 13.089 tengiltvinnbifreiðum við lok dags þann 03.12.2021 og því er ljóst að óðum styttist í að tengiltvinnbifreiðar njóti ekki lengur niðurfellingar á virðisaukaskatti við innflutning. Frétt þessi mun verða uppfærð reglulega þannig að innflytjendur geti fylgst með stöðu mála.
Uppfært 24.1.2022 - Skráningartölur verða hér eftir skráðar með upplýsingum um tollafgreiðslu ökutækja.
| Uppfært | Fjöldi tengiltvinnbifreiða | Fjölgun | Fjöldi eftir |
|---|---|---|---|
| 21.1.2022 | 13.846 | + 33 | 1.154 |
| 14.1.2022 | 13.813 | + 105 | 1.187 |
| 07.01.2022 | 13.708 | + 363 | 1.292 |
| 17.12.2021 | 13.345 | + 119 | 1.655 |
| 10.12.2021 | 13.226 | + 137 | 1.774 |
| 03.12.2021 | 13.089 | - | - |
