Þekking á peningaþvætti og rafmyntum
Aukin áhersla hefur verið sett af hálfu stjórnvalda á aðgerðir gegn peningaþvætti, sbr. nýleg lög nr. 140/2018, um aðgerðir gegn peningaþvætti og fjármögnun hryðjuverka. Þá hafa skattsvik verið sett í hæsta áhættuflokk peningaþvættis skv. nýlegu áhættumati ríkislögreglustjóra.
Kjartan Helgason verkefnastjóri hjá skattrannsóknarstjóra ríkisins sótti á dögunum átta daga námskeið, Anti-Money Laundering: Current Trends, Prosecutions, and the Challenges around Cryptocurrencies Specialty Programme, á vegum OECD International Academy for Tax Crime Investigation, ásamt fulltrúum 20 annarra ríkja er starfa við rannsóknir og saksókn í tengslum við peningaþvættisbrot.
